Briefwisseling van Hugo Grotius. Deel 9

3755. 1638 september 3. Aan A. Oxenstierna¹⁴.

Excellentissime atque Illustrissime Domine,

Dicto hanc epistolam in reliquiis febris, quae me per hos dies jactavit, imminutis etiam inter medicandum viribus.

14 Gedrukt Epist., p. 461; Oxenst. Skrifter 2. afd. II, p. 520.

[p. 561]

In Anglia parata cuncta sunt ad recipiendam reginam matrem¹.

Scotiae motus non ita faciles sedatu videntur quam creditum fuerat; id ex legato Angliae extraordinario² didici, qui hoc insuper mihi dixit dominum Salvium³ domino Roo⁴ dixisse non futurum, ut Batavi addant se concepto foederi, quae et mea pridem fuit existimatio. Pergunt Angli Batavis infesti esse capta nuper eorum navi, quae a Guinea veniebat, multisque conceptis⁵ repressaliis.

Cursor huc venit a domino Davausio⁶; occultantur quae attulit.

At a Fontarabia cursor rege⁷ praeterito ad cardinalem⁸ se contulit. Quod hic de rebus illic gestis spargitur, est archiepiscopum Burdigalensem⁹ in portu Gattariae, quae non est capta a Gallis, ut hic dictum fuit, sed alius quidam apertus in vicino locus incendiariis navibus feliciter immissis excussisse galeones Hispanicas undecim, tres naves grandes Dunquercanorum, navigia minora aliquot. Arragonensis nobilitatis millia aliquot, quae Fontarabiae subventum ibant, principe Condaeo¹⁰ obviam profecto fuga retro cessisse, sed regem ipsum Hispaniae¹¹ in illis partibus exspectari.

Dux Longavillanus¹² Chanitam¹³ cepit, partem exercitus in Lotharingiam misit adversus ducem Carolum¹⁴, aliam in Bressam et vicina. At dux Bernhardus¹⁵ gnarus uti victoria a Gotzio¹⁶ liberatus, qui non sine clade nova, de qua certiora exspectamus, Donavertum verus fecessit, misit qui Offenburgum obsiderent, ipse adversum Brisacum ivit sperans praefectum ejus oppidi¹⁷ ad deditionem posse perduci, non tantum quod fames immineat, verum etiam proprio periculo, quia accusatur a caesarianis vendidisse privatum ad lucrum commeatus oppido necessarios. Literae, quae id continebant, interceptae, novissimo illustri proelio ad ipsum missae sunt. Fuerant et aliae literae eodem tempore interceptae, quae omnibus commeatibus ac commodis arcendum Argentoratum et Basileam docebant. Eae quoque ad eas civitates missae, augendis non male per se volentium, studiis.

Vercellas ab Hispano dari in potestatem cardinalis Sabaudiae¹⁸, ut inde Pedemontani populi nobilitatisque turbet, intelligimus.

Est jam in Anglia antistes S. Andreae¹⁹ in quem maxime ardescunt Scotorum irae.

1 Maria de Medici.

2 Robert Sidney, graaf van Leicester, extraordinarius Engels gezant te Parijs.

3 Johan Adler Salvius, Zweeds gezant, residerende te Hamburg.

4 De Engelse diplomaat Thomas Roe.

5 De uitgave der Epist. heeft ‘concessis’.

6 Claude de Mesmes, graaf van Avaux.

7 Lodewijk XIII van Frankrijk.

8 De Richelieu.

9 Henri d'Escoubleau de Sourdis.

10 Henri de Bourbon, prins van Condé.

11 Philips IV.

12 Henri d'Orleans, hertog van Longueville.

13 Zie no. 3749, p. 553 n. 5.

14 Karel IV, hertog van Lotharingen.

15 Bernhard, hertog van Saksen-Weimar.

16 Johann, graaf van Götz. De uitgave der Oxenst. Skrifter geeft steeds de spelling ‘Goetsius’.

17 Hans Heinrich von Reinach.

18 Maurizio, kardinaal van Savoye.

19 John Spottiswoode, aartsbisschop van St. Andrews.

[p. 562]

Simulatque valetudo Dei beneficio mihi redierit, ibo commendatum regi et regis ministris negotium ducis Vinariensis de pecuniae praeter ordinariam ad quaerenda hyberna et resarciendam jacturam equorum, quorum aliquot millia morbo, non pauci et proeliis periere.

Ad Cateletum cavis flexibus accedunt. Quid Castilionaeus¹ facturus sit et Lafortius², nondum cernimus.

Deus, Excellentissime et Illustrissime Domine, reginae³, Regno Tuaeque Sublimitati fautor sit perpetuus.

Tuae Sublimitatis cultor devotissimus
H. Grotius.

1 Gaspard de Coligny, maarschalk van Châtillon.

2 Jacques Nompar de Caumont, maarschalk van La Force.

3 Christina van Zweden.

Lutetiae, 3 Septembris nov. Cal. 1638.

Adres: Axelio Oxenstiernae, Sacrae Reg. Maj. Regnorumque Sueciae Senatori et Cancellario.