Briefwisseling van Hugo Grotius. Deel 9

[p. 559]

3754. 1638 september 3. Aan L. Camerarius¹.

Illustrissime Domine,

Dicto hanc epistolam in reliquiis febris, quae me per hos dies jactavit imminutis etiam inter medicandum viribus.

Jam nunc sub noctem Veneris diei literas Excellentiae vestrae datas 23 Augusti² accipio. Ero ob morbum in³ respondendo brevior alio tempore id compensaturus.

Ut saepe scripsi dixique multis existimo Suediam, si aliquando exeat foedus cum Gallia neque prorogetur, posse nullo suo cum malo, nullo etiam cum metu in longissimum tempus subducere se bello ac spectare, quo res evasurae sint. Id miror non considerare Anglos neque eos, quod facere se velle dicunt, tempus lucrari; neque enim ignorare possunt, quae sint illa, quae sibi speciatim poscit Suedia, cum saepe ea Stockholmiae Anglorum res agentibus⁴ dilucide explicata sint.

In Anglia parata cuncta sunt ad recipiendam reginam matrem⁵, quam a legato Gallico⁶ non invisi mirum multis videbitur.

Et de illo ex Transylvania⁷ ubi haereat, miror.

De Scotia cum Excellentia vestra judico et locutus sum cum D. comite Licestrio⁸ de intempestivis illis Anglorum cum Batavis certationibus martimis.

Scotiae motus non ita facile sedatu videntur quam creditum fuerat: id ex dicto comite didici, qui hoc insuper mihi dixit dominum Salvium⁹ domino Roo¹⁰ dixisse non futurum, ut Batavi addant se concepto foederi, quae et mea pridem fuit existimatio.

Cursor huc venit a domino Davausio¹¹. Occultantur quae attulit.

At a Fontarabia cursor rege¹² praeterito ad cardinalem¹³ se contulit. Quod hic de rebus illic gestis spargitur, est archiepiscopum Burdigalensem¹⁴ in portu Gatariae, quae non est capta a Gallis, ut hic dictum fuit, sed alius quidam apertus in vicino locus, incendiariis navibus feliciter immissis exussisse galeones Hispanicas quatuordecim, tres naves grandes Dunquercanorum, navigia minora aliquot. Arragonensis nobilitatis millia aliquot, quae Fontarabiae subventum ibant, prin-

1 Copie Uppsala, UB., cod. 388a, ep. 145. Gedrukt Epist., p. 461. Ludwig Camerarius was Zweeds gezant in Den Haag.

2 Ontbreekt.

3 Dit woord ontbreekt in de copie te Uppsala.

4 Niet geïdentificeerd.

5 Maria de Medici.

6 Jean d'Estampes, sieur de Valençay, Frans gezant in Den Haag.

7 Johann Heinrich Bisterfeld.

8 Robert Sidney, graaf van Leicester, extraordinarius Engels gezant te Parijs.

9 Johan Adler Salvius, Zweeds gezant, residerende te Hamburg.

10 De Engelse diplomaat Thomas Roe.

11 Claude de Mesmes, graaf van Avaux.

12 Lodewijk XIII van Frankrijk.

13 De Richelieu.

14 Henri d'Escoubleau de Sourdis.

[p. 560]

cipe Condaeo¹ obviam profecto fuga² retro cessisse, sed regem ipsum Hispaniae³ in illis partibus exspectari.

Dux Longavillanus⁴ Chanitam cepit; partem exercitus in Lotharingiam misit adversus ducem Carolum⁵, aliam in Bressam et vicina. At Dux Bernhardus⁶ gnarus uti victoria a Gotzio⁷ liberatus, qui non sine clade nova, de qua certiora exspectamus, Donavertam versus secessit, misit qui Offenburgum obsiderent, ipse adversum Brisacum ivit sperans praefectum ejus oppidi⁸ ad deditionem posse perduci, non tantum quod fames immineat, verum etiam proprio periculo, qui accusatur a caeesarianis vendidisse privatum ad lucrum commeatus oppido necessarios. Literae, quae id continebant, interceptae novissimo illustri praelio ad ipsum missae sunt. Fuerant et aliae literae eodem tempore interceptae, quae omnibus commeatibus ac commodis arcendum Argentoratum et Basileam docebant; eae quoque ad eas civitates missae augendis non male per se volentium studiis.

Vercellas ab Hispano dari in potestatem cardinalis Sabaudiae⁹, ut inde Pedemontani populi nobilitatisque animos turbet, intelligimus.

Est jam in Anglia antistes S. Andreae¹⁰, in quem maxime ardescunt Scotorum irae.

Ad Cataletum cavis flexibus accedunt. Quid Castilionaeus¹¹ facturus sit et Lafortius¹², nondum cernimus. Quid futurum sit de Baja et Geldria, avebimus cognoscere optantes prosperrima omnia ut et D. Banerio¹³.

Deus, Illustrissimo Domine, Excellentiae vestrae sit fautor perpetuus.

Excellentiae Vestrae omni observantia devinctissimus
H. Grotius.

1 Henri de Bourbon, prins van Condé.

2 Dit woord ontbreekt in de copie te Uppsala.

3 Philips IV.

4 Henri d'Orleans, hertog van Longueville.

5 Karel IV, hertog van Lotharingen.

6 Bernhard, hertog van Saksen-Weimar.

7 Johan, graaf van Götz.

8 Hans Heinrich von Reinach.

9 Maurizio, kardinaal van Savoye.

10 John Spottiswoode (1565-1639), aartsbisschop van St. Andrews, Schots historicus.

11 Gaspard de Coligny, maarschalk van Châtillon.

12 Jacques Nompar de Caumont, maarschalk van La Force.

13 De Zweedse veldmaarschalk Johan Gustavsson Banér; de uitgave der Epist. heeft abusievelijk ‘Baverio’.

Lutetiae, 3 Septembris novi Cal. 1638.

Adres: Ludovico Camerario, Reginae Regnique Sueciae Consiliario et Legato apud Praepot. Ord. Foeder. Belgii.

In de copie te Uppsala boven aan de brief in margine: A. 1638. Redd. 1/11 Sept.