Briefwisseling van Hugo Grotius. Deel 9

[p. 544]

3743. 1638 augustus 24. Van P. de Groot¹.

Venerande parens,

Gaudeo venisse ad vos Pelzii filium². Spe(ro) multum tibi levaminis accessurum ex ejus opera.

Libros, quos per Treselium³ misi, brevi ad vos perventuros non dubito; de iis, quos a D.^o Corcellio⁴ editos vel edendos sc[r]ibis, nihildum certi habeo. Ubi eos prodiisse intellexero, faciam vos exemplorum aliquot compotes.

Dissertationem eam de caena ubi pastores non sunt⁵, spero jam acceperis legerisque; gaudebo tuum praesertim de ea judicium intelligere. Pauci hic sunt ejus rei vel intelligentes vel curiosi; mihi ea forte in manus et quidem opportune incidit, cum ante paucos dies cum avunculo senatore⁶ super eodem argumento sermones habuissem. Ille multum adversabatur mihi in ea sententia, quam ego ex iis, quae Lutetiae mihi legenda dederas, didiceram, ubi, si non omnia, pleraque saltem eadem, quae in hac dissertatione inveni. Miror eam dissertationem ab eo viro⁷ editam; est enim vir acerrimus pastoribusque Calvinaismi adeo addictus, ut nobis ab ejus opera nihil boni sit expectandum. Curabo tamen et illius et Jansonii⁸ typorum exempla ad te mitti. De Meierosianis libris⁹ scripsi ad avunculum¹⁰.

De victoria ducis Vinariensis¹¹ hic non dubitatur, nec magis de Geldria obsessa. Die Saturni praeterito huc pervenit regina Galliae mater¹². Multi sunt hic super ejus adventu sermones et varii pro affectuum varietate.

Legatus Ordinum, qui in Anglia est¹³, scribit exspectari ibi reginam praepararique navem ad eam eo vehendam.

Deum precor, venerande parens, ut omnia vobis ex voto procedant,

Tibi obedientissimus filius
P. Grotius.

1 Hs. Den Haag, ARA. Eerste afd. coll. Hugo de Gr. Aanw. 1911 XXIII no. 26. Eigenh. oorspr.

2 Pieter, zoon van Paulus Pels.

3 Vermoedelijk Samuel, zoon van Daniel Tresel.

4 Etienne de Courcelles.

5 Zie no. 3725, p. 526 n. 3.

6 Nicolaes van Reigersberch.

7 Wie Pieter hier bedoelt is mij niet duidelijk. Aanvankelijk werd Cl. Salmasius voor de auteur gehouden; Ter Meulen-Diermanse, no. 1091 rem. 3.

8 Johannes Janssonius, drukker en uitgever te Amsterdam.

9 Zie no. 3571.

10 Nicolaes van Reigersberch.

11 Bernhard, hertog van Saksen-Weimar.

12 Maria de Medici.

13 Albert Joachimi, heer van Hoedekenskerke.

Hagae Comitis XXIV Aug. An. MDCXXXVIII.

Adres: Monsieur Monsieur L'Ambassadeur de Suède à Paris.

In dorso schreef Grotius: 24 Augusti 1638 P. de Groot.