Briefwisseling van Hugo Grotius. Deel 9

[p. 538]

3737. 1638 augustus 21. Aan I. Jasky¹.

Nobilissime Domine,

Binas jam nunc abs te eodem tempore accipio scriptas alteras XV², alteras XXII³ Iulii, Gallice illas, has latine, elegantes utrasque, ita ut de neutro excusare te debeas utriusque sermonis potens. Fuere mihi eruntque⁴ semper literae Nobilitatis vestrae gratissimae.

Civitates, quae libertatem suam iis rationibus, quae neque iniquae sunt neque degeneres tutantur, vestramque inter tales eximiam, feci semper maximi faciamque.

Postquam publici conventus auctoritas aliqua accessit ad regis vestri⁵ cupiditates, non tam facilem puto quam forte optanda vobis esset inter vos et regem conveniendi viam. Temporariae redemptiones quam nihil prosint, docet Hamburgum⁶. Regem vestrum non minus quam alios reges, sed contra spem, quae de ipso concepta fuerat, video multum se jactare sacerdotibus et aulae romanae. Poloniae vestrae infelicitatem deploro, ex qua exire debeant, qui valetudini recuperandae student.

Hic nihil fit magni. Captum a rege⁷ Rentiacum. Obsidetur a Condaeo principe⁸ Fontarabia. Dux Vinariensis⁹ praeliis Götzium¹⁰ lassat de Brisaco desperans.

Quid apud vos portaturae sint novae super modo vectigalis deliberationes, quid item facturi illi rudes Graecae ecclesiae discipuli, scire avebimus, interim Nobilitati vestrae ejusque¹¹ amicis optantes omnia prosperrima.

Nobilitatis vestrae obsequentissimus
H. Grotius.

1 aant.Gedrukt Epist., p, 458; Grotii Epist. ad Jaski, p. 22. Antw. op nos. 3673 en 3684.

2 No. 3673.

3 No. 3684.

4 De uitgave der Grotii Epist. ad Jaski geeft de lezing: ‘Fuere, eruntque mihi’.

5 Wladislas VII (IV) van Polen.

6 De passus ‘Postquam ... Hamburgum’ ontbreekt in de uitgave der Grotii Epist. ad Jaski.

7 Lodewijk XIII van Frankrijk.

8 Henri de Bourbon, prins van Condé.

9 Bernhard, hertog van Saksen-Weimar.

10 Johann, graaf van Götz.

11 De uitgave der Grotii Epist. ad Jaski geeft in plaats van ‘Nobilitati vestrae ejusque’: ‘Tibi tuisque’.

Lutetiae, 11/21 Augusti 1638.aant.