Briefwisseling van Hugo Grotius. Deel 9

3733. 1638 augustus 21. Aan L. Camerarius².

Illustrissime Domine,

Gratias habeo pro iis, quae me literae Excellentiae vestrae datae 8 Augusti³ docent. Quid capto jam Gartzio⁴ facturus sit Banerius⁵, exspectabimus. Discessus iste Brandenburgici⁶ a fuga abest non multum.

Haud dubie et moras et difficultates pacis negotio adferet magnas disputatio de diplomate pro tuto itinere Germanorum.

Quae super foedere D. Roo⁷ respondit D. Salvius⁸ et aequitatis et prudentiae sunt plena. Brevi elucescet, quid de ea re sperandum sit.

Mandata, quae ex Suedia super Transilvanico negotio accepi, plane congruunt cum iis, quae sponte mea jam feceram dixeramque. Gaudeo etiamnunc Constantinopoli esse D. Hagam⁹, ut, ubi Bysterfeldius¹⁰ per Batavos transibit, ipse mandata a proceribus accipere possit adjutandi id negotium. Valde optandum, ut successorem accipiat pari ingenio virum, peritiam tempus adferet.

Ad ea, quae in Polonia hoc quidem tempore agi possunt, D. Pelzium¹¹ suffecturum puto.

Venetias siquis mittitur, habebit et cum Gallis et cum Venetis super titulis et honoribus, quod disputet.

2 Copie Uppsala UB., cod. 388a, ep. 143. Antw. op no. 3717. Gedrukt Epist., p. 458. Ludwig Camerarius was Zweeds gezant in Den Haag.

3 No. 3717. De copie te Uppsala geeft abusievelijk ‘7 Augusti’.

4 De copie heeft ‘Goetzio’!

5 De Zweedse veldmaarschalk Johan Gustavsson Banér.

6 Georg Wilhelm, keurvorst van Brandenburg.

7 De Engelse diplomaat Thomas Roe.

8 Johan Adler Salvius, Zweeds gezant, residerende te Hamburg.

9 Cornelis Haga.

10 Johann Heinrich Bisterfeld.

11 Paulus Pels.

[p. 534]

In Moscovia, ut habeant quod agant Batavi, commerciorum utilitas facit.

Rex¹ ad S. Germani vicum rediit uxoris² partum opperiens. Creditur ad Belgicae propinqua mox rediturus ad implenda ea, quae inter ipsum ac principem Arausionensem³ convenere. Ista Batavorum arma, quae magnam hostium vim in se trahunt et occupatam tenent, faciunt, ut plus sperare successuum Galli possint quam olim cum in Belgas inter se concordes bellarunt. Sed multa ita negligenter administrari video, ut de spe ista multum deterant.

Ad Fontarabiam cuniculi duo non magno fructu prorupere. Et invenit hostis viam, qua militem ad obsessos mitteret. Ita gravius erit quam putabatur certamen. Sed classis, cujus eam, quae hic editur, descriptionem⁴ mitto, jam eo advenit post captam Gataram portum, qui ultra illum S. Sebastiani est, et captivis aliquammultis. Non possunt Hispani veteres suas artes omittere et morem per fas ac nefas nocendi, nam deprehensus miles, qui aquas venenis corrumpere voluit, quibus utebantur Galli, suspendioque punitus. Ex Hispania naves aliquot in Brasiliam missae, hic creduntur.

Electoris⁵ negotium, si quo modo promovere potero, faciam id animo volentissimo. Utinam et ipse bonis utatur consiliis et eos, quos maxime tales esse oportet, sibi faventes habeat.

Gaudeo marchionem Hamiltonum⁶ in Scotiam remitti cum iis mandatis, quibus sedari ista tempestas possit, valde sane intempestiva. Siquid tamen Anglis boni in animo est.

Ad Vinariensem⁷, qui Friburgi est, advenit jam vicecomes Turenae⁸, sed minime cum quanto sperabatur auxilio. Sexcentos habet equites, pedites mille ac trecentos. Et ducis et hostilis, qui ad Kentzingam et Offenburgum est, exercitus equorum ingentem numerum morbis amisere. Hosti Savellius⁹ adducit novas vires ex Italis Hispanisque. De Bavari¹⁰ adventu in eas partes nihil ultra scribitur. Allata huc ad regem sunt tredecim illa signa equestria, quae ceperat Tubatelius¹¹. De Brisaco hoc quidem anno spem video nullam.

Deo, Illustrissime Domine, Excellentiam vestram omnemque ejus domum commendo.

Excellentiae Vestrae omni studio cultuque devinctissimus
H. Grotius.

1 Lodewijk XIII van Frankrijk.

2 Anna van Oostenrijk.

3 Frederik Hendrik.

4 Gazette de France, dd. 19 augustus 1638, p. 433 no. 106.

5 Karl Ludwig van de Palts.

6 James Hamilton.

7 Bernhard, hertog van Saksen-Weimar.

8 Henri de La Tour d'Auvergne, burggraaf van Turenne.

9 Federigo Savelli, hertog van Poggio Nativo.

10 Maximiliaan I, keurvorst van Beieren.

11 Georg Christoph von Taupadel.

Lutetiae, 11/21 Augusti MDCXXXVIII.

[p. 535]

Bene valet Rodius¹ et iter Italicum meditatur².

Jam nunc optimum nuncium ducis Vinariensis literis et relatu Truxii³ accipio. Cum coiissent Savellius et Gotzius⁴ vellentque Brisaco novos inferre commeatus inde assumto duce Lotharingo⁵ ejusque copiis ducem Vinariensem possessis⁶ dejicere, caesos hostes ad Rijnfeldium: capta signa equestria ac pedestria prope nonaginta, machinas undecim; multum caedis, multum captivorum; commeatuum bellicique paratus capta ingens copia. Tubadelus obiit. Reliquias cladis apud Offenburgum dux persequitur et Kentzingam⁷ obsidet. Pugnatum per horas octo fuit, Marte diu ancipite.

1 Johann Rodt.

2 Deze mededeling ontbreekt in de copie te Uppsala.

3 Wolf Dietrich Truchsess.

4 Johann, graaf van Götz.

5 Karel IV, hertog van Lotharingen.

6 De copie te Uppsala geeft ‘propius’.

7 In de copie te Uppsala staat: ‘ad Kentsingam obsides’.

Adres: Ludovico Camerario, Reginae Regnique Sueciae Consiliario et Legato apud Praepot, Ord. Foeder. Belgii.

In de copie te Uppsala boven aan de brief in margine: Redd. A. 1638 18/28 Aug.