Briefwisseling van Hugo Grotius. Deel 9

3729. 1638 augustus 16. Van P. de Groot⁴.

Venerande parens,

Literas tuas VII Augusti datas⁵ heri accepi cum inclusis illis ad D. Salmasium⁶, Vossium⁷, Constantinum⁸ et Opitium⁹, quas omnes curabo.

Gaudeo salvos ad vos venisse Henricum Onnium¹⁰ et Pelzium¹¹, cujus pater adhuc Amstelodami est, unde videtur non sine nova conjuge in Poloniam reversurus.

Heri in prandium fui apud D. van der Dussen¹², consulem Delfensem, qui valde humaniter me excepit singularemque affectum erga parentem domumque nostram testatus est. D.ⁱ Sixii¹³, etiam amici quo tempore Amstelodami essem, nihil omiserunt, quod ad amicum animum testandum pertineret. Eum jam Lutetiam rediisse ex iis, quas inde ad me scripsit, video. Gaudebo, si aliquando data occasione sentiat non in ingratum collata fuisse beneficia.

4 Hs. Den Haag, ARA. Eerste afd. coll. Hugo de Gr. Aanw. 1911 XXIII no. 26. Eigenh. oorspr.

5 Ontbreekt.

6 Claude de Saumaise -Salmasius-; no. 3713.

7 Gerardus Johannes Vossius; no. 3716.

8 Constantijn l'Empereur ab Oppijck; no. 3708.

9 Martin Opitz; no. 3705.

10 Niet geïdentificeerd.

11 Pieter, zoon van Paulus Pels.

12 Eewout Jacobsz. van der Dussen.

13 Vermoedelijk de gebroeders Pieter en Jan Six.

[p. 530]

Princeps Arausionensis¹, qui ante dies aliquot² cepit³ castra movere, creditur Geldriae obsidionem parare, praemissis Rhenobercam omnibus ad eam necessariis. Principi Palatino⁴ indixit Arausionenses ut rapinas illas et intempestivam vastationem novitii militis sui vel in nostro fine coerceat.

Nudiustertius rhedae insidens consul Delphensis Berestenius⁵, nescio quo casu concitatis in cursum equis, rhedaque fracta ipse miserandam mortem occubuit.

Erat ille vir civitati non inutilis domuique etiam nostrae satis addictus.

Deus, Venerande Parens, vobis omnibus adsit salutifer.

P. Grotius.

1 Frederik Hendrik.

2 Pieter heeft abusievelijk ‘aliquod’ geschreven.

3 Pieter schrijft ‘caepit’.

4 Karl Ludwig van de Palts.

5 Cornelis II van Beresteyn (1586-1638). Het ongeluk had plaatsgevonden op 13 augustus op de weg tussen Zierikzee en Haamstede.

Hagae Comitis XVI Aug. MDCXXXVIII.

Boven aande brief schreef Grotius: Rec. 25 Aug.