Briefwisseling van Hugo Grotius. Deel 9

3726. 1638 augustus 14. Aan A. Oxenstierna⁵.

Excellentissime atque Illustrissime Domine,

Ab Anglis legatis⁶ singulis singulas accepi formulas Veneticae ad regem ipsorum⁷ inscriptionis. Quam mihi dedit ordinarius est qualem et ante misisse memini: Serenissimo Principi ac Domino, Domino Carolo Magnae Britanniae, Franciae et Hiberniae Regi Illustrissimo etc.; at ea, quam mandatu extraordinarii mihi attulit Agens Ogerius⁸ affirmans hanc esse, quam novus a Venetis legatus⁹ secum tulisset, sic habet: Serenissimo et Excellentissimo Domino Carolo, Dei gratia Regi Magnae Britanniae, Franciae, et Hiberniae Illustrissimo. Ex hac varietate nihil colligere aliud possum quam non eundem semper scribendi servari modum.

Mitto Sublimitati Tuae historiolam de picturis¹⁰, quibus fores suas ornavit legatus imperatoris Romae¹¹, multus circa inania. Orationes ejus¹² et pontificis¹³ responsa duo huc perlata sunt. Veriora putantur quae seorsim a picturis mitto

5 Gedrukt Epist. p. 456; Oxenst. Skrifter 2 afd. II, p. 514.

6 John Scudamore en Robert Sidney, graaf van Leicester, resp. ordinarius en extra-ordinarius Engels gezant te Parijs.

7 Karel I van Engeland.

8 René Augier (Oger), Engels agent. De tekst geeft abusievelijk ‘Agensogerius’.

9 Giovanni Giustiniani.

10 Voor een beschrijving hiervan zie men Stockholm, RA. II Gallica. Handlinger tillhörande Hugo Grotii beskickning 1636-1638: Faciado en peinture mise devant le palais de l'ambassadeur du roy d'Hongrie.

11 Johann Anton von Eggenberg.

12 Zie no. 3724, p. 525 n. 6.

13 Urbanus VIII.

[p. 527]

Rex¹ nondum huc rediit. Remisit Lestradium² ad principem Arausionensem³, ut eum impellat ad audendum hoc anno aliquid. Addidit pro principis uxore⁴ pulchros uniones.

Classis Gallica, praeterquam quod obsidionem adjutura est Fontarabiae, sperat etiam portum aliquem Hispaniae se impetu posse capere militum ferens prope sex millia. Quare boni aliquid inde exspectamus.

Rentiacum ante hoc triduum Gallis se dedidit. Sed in Lotharingia oppidum Longavilleriam cepit dux Carolus⁵.

Regina mater⁶ ad iter Spadanum accincta est. Inde Coloniam itura sit pacis promovendae causa an in Galliam, varie disseritur. Qui apud eam nunc valent plurimum, Coignaeus⁷ et Montsigotius⁸, cum bona in Gallia habeant, omni modo pro reditu laborant et illius et suo.

Turcicus sultanus⁹ Aleppi jam esse creditur. Longas naves ejus quatuor ad Amastrim tempestas depressit. Tartarorum rex¹⁰ fratrem suum¹¹ ad eum misit cum auxilio sex mille equitum ipse ad Azaci iturus obsidium, ut huc scribitur.

Certius jam ad nos perlata sunt illa, quae apud ducem Vinariensem¹² geruntur. Decimo Julii, ut hic numeramus, Tubadelus¹³ hosti cladem eam intulit, de qua scripsi antehac¹⁴. Benfeldo non longe tredecim cepit signa equestria. Decimo quarto ex insidiis Offenburgum capere speravit dux; sed abfuit successus neque tamen sine fructu iter id fuit, nam quatuor ferme leucis ab Argentorato tres alae hostiles partim loricatorum partim draconariorum a duce concisae sunt.

Goetsii¹⁵ exercitus, qui viginti fuit millium, fame, fuga, cladibus ad sex millia decrevit. Is nunc apud Dinsenhemum transgressus Rhenum Offenburgo non longe est.

Cum postremae inde ad nos scriberentur literae, id est 23 Julii, Bavarus¹⁶ dicebatur novas adducere copias et alias ex Italia Savellius¹⁷. Dolendum est tantum periisse temporis et occasionis, dum duci auxilia parantur, quae, cum illae, quas dixi, scriberentur literae, sub vicecomite Turenae¹⁸ prope Montempellicardi venerant. Multa hic quotidie per negligentiam peccantur.

1 Lodewijk XIII van Frankrijk.

2 Godefroy d'Estrades.

3 Frederik Hendrik.

4 Amalia van Solms.

5 Karel IV, hertog van Lotharingen.

6 Maria de Medici.

7 Jacques Le Coigneux.

8 Louis de Montsigot.

9 Murád (Amurath IV), sultan der Ottomanen.

10 Behadir-Ghiraï.

11 Niet geïdentificeerd.

12 Bernhard, hertog van Saksen-Weimar.

13 Georg Christoph von Taupadel.

14 No. 3698.

15 Johann, graaf van Götz.

16 Maximiliaan I van Beieren.

17 Federigo Savelli, hertog van Poggio Nativo.

18 Henri de La Tour d'Auvergne, burggraaf van Turenne.

[p. 528]

Deum oro, Excellentissime et Illustrissime Domine, ut Reginae¹, regno Tuaeque Sublimitati optima consilia det capere, capta autem ut secundet.

Tuae Sublimitatis cultor devotissimus
H. Grotius.

1 Christina van Zweden.

Lutetiae, 4/14 Augusti 1638.

Quantum ex Anglis intelligere possum, pecuniae collationem aliquam ab illis impetrabimus.

Mitto ea, quae in Polonia contra Ossolinskium² disceptantur.

2 Jerzy (Georg) Ossolinsky.

Adres: Axelio Oxenstiernae, Sacrae Reg. Maj. Regnorumque Sueciae Senatori et Cancellario.