Briefwisseling van Hugo Grotius. Deel 9

3724. 1638 augustus 14. Aan L. Camerarius⁵.

Illustrissime Domine,

Recte ad me pervenerunt et literae Excellentiae vestrae datae postridie Calendas Augusti⁶ et illi, quorum eae meminerunt, fasciculi octo ante diebus missi.

Utinam verum sit, quod de Banerii⁷ victoria dicitur eique res semper in majus procedant.

Colloquia de pace adhaesura puto ad scopulum de diplomatibus tuti itineris pro Germanis. Nam quae nostri volunt, multum distant ab iis, quae caesariani offerunt.

De foedere cum Batavis non facile convenient Angli, cum Suedis facile, si modo, quod sperare nos legati⁸ jubent, parte impendiorum belli Suediam velint sublevare.

5 Copie Uppsala UB., cod. 388a, ep. 142. Gedrukt Epist., p. 456. Ludwig Camerarius was Zweeds gezant in Den Haag.

6 Ontbreekt.

7 De Zweedse veldmaarschalk Johan Gustavsson Banér.

8 John Scudamore en Robert Sidney, graaf van Leicester, resp. ordinarius en extra-ordinarius Engels gezant te Parijs.

[p. 524]

Credibile est Austriacam domum prosperis per Italiam, non improsperis per Germaniam rebus ita inflatum iri, ut pacem non sint desideraturi; neque minus credibile non satis aequis oculis adspecturum Daniae regem¹ nostrorum incrementa.

Tum vero Hassicae viduae² cunctatio magnas occasiones perdit. Forte consilia captura est ex iis, quae agentur Hamburgi.

Castilionaeum³ recuperasse regis⁴ gratiam uxoris⁵ maxime, sapientis feminae, opera et in imperio manere scripsi jam ante⁶.

Classis Gallica non modo Fontarabiae obsidionem sperat se promoturam, sed et aliquid praeterea capturam in ora maritima Hispaniae. Vehit sex millia militum. Princeps Condaeus⁷ bellum magna sane diligentia administrat scriptitatque ad regem et cardinalem⁸ saepissime.

Redit ad vos Lestradius⁹ cum donis a rege ad principis Arausionensis uxorem¹⁰ et ad ipsum hortamentis. Plurimum publici interest, ne ibi cessetur. Nisi ultro agant aliquid Batavi, non patientur eos quiescere Hispani, sed, ubicunque poterunt, quaerent pugnandi occasiones, quod eo belli genere praestare se putent.

In illo ad Benfeldum proelio, de quo scripsi antehac¹¹, quod commissum decimo Julii est, tredecim equestria signa cepit Tubadelus¹². Quarto post die dux ipse¹³ quatuor ab Argentorato leucis hostium tres alas, loricatorum unam, draconianorum duas ad satietatem cecidit. Offenburgo quas struxerat insidias, eae, ut saepe talia, successum non habuere.

Vicecomes Turenae¹⁴ jam ad Montempellicardi venerat. Et Bavarus¹⁵ ex Germania et ex Italia Savellius¹⁶ supplementa ducere scribuntur Goetzio¹⁷, cujus florentissimus antehac exercitus ad sex millia diffluxit. Jam ad Drusenhemium Rhenum transiit Goetzius et ad Offenburgum se contulit.

Ducis Vinariensis constantiam et fidem in Galliae regem relatis ad ipsum, quae de pace acceperat, literis antehac scriptis¹⁸ testatus sum; sicut et argumenta

1 Christiaan IV van Denemarken.

2 Amelia Elisabeth van Hanau-Münzenberg, landgravin van Hessen-Kassel.

3 Gaspard de Coligny, maarschalk van Châtillon.

4 Lodewijk XIII van Frankrijk.

5 Anne de Polignac.

6 Zie no. 3706.

7 Henri de Bourbon, prins van Condé.

8 De Richelieu.

9 Godefroy d'Estrade.

10 Amelia van Solms, echtgenote van Frederik Hendrik.

11 No. 3697.

12 Georg Christoph von Taupadel.

13 Bernhard, hertog van Saksen-Weimar.

14 Henri de La Tour d'Auvergne, burggraaf van Turenne.

15 Maximiliaan I van Beieren.

16 Federigo Savelli, hertog van Poggio Nativo.

17 Johann, graaf van Götz.

18 Ontbreekt.

[p. 525]

attuli, cur de Mauritio comitis¹ Guilielmi² filio credi non debeat, qui sparsus fuit, rumor.

Vix impetrari a Gallis poterit, ut Waertium³ dimittant: adeo ejus audaciam metuunt. Debet quidem is esse in potestate ducis Vinariensis; sed ipse dux pecunias a se non habens alendis copiis ob id ipse in potestate est regis Galliae.

Ille a Transilvania⁴, puto, jam erit ab aula absolutus et in itinere ad vos. Negotium ejus, bene si provenerit, mire turbabit res ac spes hostium.

Rentiacum die Martis proximo Gallis se dedit. Contra, oppidum Lotharingiae Longavilleriam subito impetu cepit dux Carolus⁵.

Mitto oratiunculam caesariani legati⁶ ad pontificem⁷ et responsum pontificis. Quae antehac circumlata sunt eo nomine, non vera comperiuntur.

Deus Excellentiam vestram ejusque domum sospitet.

Excellentiae Vestrae observantissimus
H. Grotius.

1 Maurits, graaf van Nassau-Siegen.

2 Willem, graaf van Nassau-Siegen.

3 Johan van Werth.

4 Johann Heinrich von Bisterfeld.

5 Karel IV van Lotharingen.

6 Johann Anton van Eggenberg (1610-1649); zie hss. Amsterdam UB., coll. RK. III c 1 nos. 20 a en b: Copia dell'oratione fatta dal principe d'Echembergh; La riposta del Papa.

7 Urbanus VIII.

Scribebam Lutetiae, 14 Augusti MDCXXXVIII.

Veneti Turcas, qui armatis navibus sinum Adriaticum ipsorum impermissu intravereant, pessime tractarunt.

Adres: Ludovico Camerario, Reginae Regnique Sueciae Consiliario et Legato apud Praepot. Ord. Foeder. Belgii.

In de copie te Uppsala boven aan de brief in margine: Redd. A. 1638 11/21 Augusti.