Briefwisseling van Hugo Grotius. Deel 9

3696. 1638 juli 31. Aan S. Andreae⁷.

Praestantissime Domine,

Literae Cl. Vestrae 26 Iunii datae⁸ recte ad me pervenerunt nec quicquam obstat, quominus directe ad me quaecunque posthac venient mittantur.

Cum gaudio intelligimus attigisse jam oram Pomeraniae naves et copias, quas faustis ominibus abeuntes eratis prosecuti. Speramus etiam in rebus caeteris fortunam ipsis ac D. Bannerio⁹ adfore.

Ut in Silesiam moveat aut Moraviam hic maxime expetitur. Nec desunt ei consilio suae causae. Pacem si nunquam hostis bonam serio obtulit, non est quod Suedos producti ad haec tempora belli poeniteat. Neque vero Suedos ullo probabili colore objicere invidiae possunt caesariani, si Suedi quidem pacem in commune

7 Gedrukt Epist. p. 452. Antw. op no. 3641. Samuel Andersson was kanselier in Zweedse dienst.

8 No. 3641.

9 De Zweedse veldmaarschalk Johann Gustavsson Banér.

[p. 488]

bonam non recusare se ostendunt. Caesariani autem rem ab ipsis turpem pergunt exigere, prolationem initi federis. Pax autem in commune bona, quae sola honesta solaque tuta est, habet quidem suas difficultates, sed non insuperabiles. Germaniae principes ac civitates, quin serio pacem velint, miserrima eorum per hoc bellum conditio dubitare nos non sinit. An eam itidem velint imperator¹ et Gallia ut discamus, tempore magistro opus est. Neutra pars, si modo recte sapit, etiamsi quid huic aut illi prospere evenerit, ita intumescet levis fortunae aura², ut ob id aures occludat aequis conditionibus.

Caetera ad D. magnum cancellarium³ perscribo pergoque vota facere pro pace, pro armis non nisi ob pacem.

Tuae Cl. studiosissimus
H. Grotius.

1 Ferdinand III.

2 Vgl. Livius XLII. 39, 1: levi aura spei.

3 De Zweedse rijkskanselier Axel Oxenstierna.

Lutetiae, 21/31 Iulii 1638.