Briefwisseling van Hugo Grotius. Deel 9

[p. 343]

3610. 1638 juni 1. Van Willem de Groot¹.

Frater optime,

Venit ad vos Brunaeus² amoenissimi juvenis ingenii et eruditionis non vulgaris, quem eo nomine et quod Vossium³ cognatione aut certe affinitate contingit, tibi acceptum fore confido.

Ei ego ad te perferendos dedi Wassenarii commentarios⁴, quos tibi deesse scripsisti⁵, quartum nempe duodecimum, decimum septimum, decimum octavum, decimum novum, vigesimum et vigesimum primum. Multa inibi occurrent lectu indigna et quae fastidium tibi generatura sint, sed historiam rerum gestarum indaganti omnia ejus generis scripta legenda sunt.

Illud nescio an omnia Borrii⁶, qui opus suum ad annum millesimum sexcentesimum produxit, habeas, in quo multa occurrunt non obvia et scitu necessaria.

Accepit hodie Petrus⁷ scripta, quae e Galliis transmiserat et imprimis Annales tuos⁸, quos aliquando per otium simul evolvemus.

Pater⁹ jam Hagae est et satisbelle valet, mater¹⁰ valde debilitatur stomacho vix pauxillum cibi admittente; nos omnes valemus, omnia tibi uxorique tuae ac filiae¹¹ officia offerentes Deumque rogantes, ut te diu nobis ecclesiaeque christianae servet incolumem.

Tibi obsequentissimus frater
Guilielmus Grotius.

1 Hs. Den Haag ARA. Eerste afd. coll. Hugo de Gr. Aanw. 1911 no. 24. Eigenh. oorspr. Beantw. dd. 21 mei 1639 (dl. X).

2 Johan de Brune, de Jonge († 1649), zoon van Isaac de Brune en Johanna Junius.

3 Gerardus Johannes Vossius.

4 Zie no. 3425, p. 42 n. 4.

5 No. 3425.

6 Pieter Christiaensz. Bor (1559-1635), Vervolch van Nederlandsche Oorloghe Beroerten ende Burgerlijcke oneenigheyden, Vijfde Deel ofte seste stuck.

7 Pieter de Groot.

8 Hvgonis Grotii Annales et historiae de rebvs Belgicis. Amstelaedami, Ex Typographejo Joannes Blaev. MDCLVII. Cum Privilegiis S.C. Majestatis; & Ordd. Belgicae Foederatae, nec non Holl. West-Frisiaeque, per annos quindecim.

9 Jan de Groot.

10 Aeltgen Borre van Overschie.

11 Cornelia de Groot.

Hagae, Calendis Junij 1638.

Adres: A Monsieur Monsieur Grotius, Ambassadeur de la Reine et couronne de Suède prez le Roy Trèschrestien A Paris.

In dorso schreef Grotius: 1 Junij 1638 W. de Groot.