Briefwisseling van Hugo Grotius. Deel 9

3591. 1638 mei 24. Van Willem de Groot¹⁰.

Frater optime,

Petrum¹¹ Losecatiumque¹² nostros jam dudum huc pervenisse spero ex prioribus litteris¹³ jam cognoveris: Vickevordium¹⁴ cum iis, quae ipsi tradideram, recte Parisiis appulisse est quod gaudeam.

Bellici Gallorum paratus omnium hic animos habent suspensos, ut et nostri

10 Hs. Den Haag, ARA. Eerste afd. coll. Hugo de Gr. Aanw. 1911 XXIII no. 24. Eigenh. oorspr. Antw. op no. 3576; beantw. d. no. 3614.

11 Pieter de Groot.

12 Diderik van Losecaat.

13 No. 3572.

14 Joachim de Wicquefort.

[p. 312]

vestros: dum incertum est, cui hostilium terrarum parti incubitura sit ista tempestas.

Certe princeps¹ cras summo mane Buram atque inde Litoiam, prope castellum Vornanum, petet, ubi magnam copiarum partem convenire jussit Frisiis aliisque cis Rhenanis cohortibus circa Neomagum subsistentibus. Sed equitatui nulla etiamnum data sunt mandata, quod mirum videretur, nisi jam paucas intra horas contrahi posset; curruum et equorum satis magnus coactus est numerus, navium non major quam qui vehendis castrorum impedimentis sufficiat.

Dordraci in procinctu stant omnes scapha lembique olim hostibus erepti; Antverpienses sibi valde metuunt ideoque aggeri, quem Blockeriensem vocant, alium interiorem objicere satagunt arcendis e Flandria aquis si prior iste a nostris forte rumpatur et quo pluribus munimentis insistant.

Archithalassus noster² in transvehendo legato³ obvias habuit septem Dunkerkanorum naves, quas cum bono Deo in suam potestatem redegisset, si minores aliquot triremes adfuissent; nunc illae noctis auxilio elapsae in portus se Anglicanos abdiderunt.

Plura ubi uberior se materia obtulerit expecta, tu interea cum uxore et filia⁴ ac amicis quam diutissime vive nobis et vale.

Raptim.

Tibi obsequentissimus frater
Guilielmus Grotius.

1 Frederik Hendrik.

2 Maerten Harpertsz. Tromp.

3 Willem van Liere, heer van Oosterwijk, Staats gezant in Parijs.

4 Cornelia de Groot.

Hagae XXIV Maij 1638.

In margine: De presbytero oratorii in carcerem misso⁵ mirantur omnes: nulla enim nova placita, sed veteris ecclesiae scita defendit.

Adres: A Monsieur Monsieur Grotius, Ambassaduer de Suède A Paris.

In dorso schreef Grotius: 24 May 1638 W. de Groot.

5 Claude Seguenot.