Briefwisseling van Hugo Grotius. Deel 9

3614. 1638 juni 4. Aan Willem de Groot⁸.

Gaudeo, mi frater, salvos apud vos esse adolescentes⁹, quos hinc nonnulla, ut spero, cum fruge dimisimus.

Vickevordius¹⁰ abitum molitur ad ducem Vinariensem¹¹. Pransus heri apud nos nobis optime volens.

8 Gedrukt Epist., p. 878. Antw. op no. 3591; beantw. d. no. 3638.

9 Grotius' tweede zoon Pieter en Diderik van Losecaat.

10 Joachim de Wicquefort.

11 Bernhard, hertog van Saksen-Weimar.

[p. 348]

Sicut vos Gallorum actus vegetos ac fortes exspectatis, ita vestros Galli. Castilionaeus¹ S. Audomari oppidum obsidet captis circum oppidis minoribus arcibusque. Si itidem princeps Arausionensis² oppidum aliquod obsederit, constabit huic anno sua ratio. Non videtur maritima parari expeditio tam exiguo navium ad id idonearum provisu.

Antverpienses non immerito timent rebus suis. Dunquercanae istae naves, quando oram Anglicam tenent, evasere.

Presbyter oratorii ille captus Salmurii Seguinottus³ vocatur. Post id captus est Lutetiae abductusque in Silvam Vicennensem abbas Sinciranus⁴ easdem illas sententias aliaque monachis non probata tutari suspectus. Ita paulatim irrepit inquisitio ea semina jacientibus iis, qui sibi nomen fecere congregationis propagandae fidei, sodalitii parlamenti auctoritate non sine causa improbati.

Vale cum tuis nostrisque omnibus.

Tui amantissimus frater
H. Grotius.

1 Gaspard de Coligny, maarschalk van Châtillon.

2 Frederik Hendrik.

3 Claude Seguenot.

4 Jean Duvergier de Hauranne, abbé van Saint Cyran.

4 Iunii 1638.