Briefwisseling van Hugo Grotius. Deel 9

3576. 1638 mei 15. Aan Willem de Groot².

Frater, optime,

Cognosco libenter ex literis tuis 3 Maji datis³ cordi tibi esse causam Gothofredi⁴. Ego, ubi ad me venerit, suasor ei ero, ne aequa repudiet.

D. Salmasii liber de usuris⁵ jam huc pervenit. Sed eum legere nondum mihi contigit; ubi legero, sententiam meam et ipsi et vobis significabo.

Miror Hollandos ita veterem maritimorum praeliorum gloriam dimittere Zelandisque id decus concedere.

Galli quid facturi sint, brevi apparebit. Nam Castilionaeus⁶ jam Samaram transiit.

Vickevordius⁷ huc venit. Sed apud me nondum fuit.

Filiorum meorum maximus⁸ Genevae perhonorifice habitus inde jam abiit ad castra Vinariensia, ubi Smidsbergium⁹ jam esse arbitror. Et illi et Diderico¹⁰, rectum, ut spero, iter instituris fautores non deerunt.

Vidimus hic Prinsium¹¹ Berensteniumque¹², optimae juvenes spei. Prinsium, ut nostra domo uti vellet, serio invitavimus. Sed ab hac urbe auferre se properat. Nulla a nobis in ipsos officiosae amicitiae signa deerunt.

Spero jam salvos ad vos pervenisse Petrum nostrum¹³, quem patri nostro¹⁴

2 Gedrukt Epist., p. 877. Antw. op no. 3559; beantw. d. no. 3591.

3 No. 3559.

4 Théodore Godefroy.

5 Voor de titel van dit boek van Claude Saumaise zie men no. 3444, p. 70 n. 10.

6 Gaspard de Coligny, maarschalk van Châtillon.

7 Joachim de Wicquefort.

8 Cornelis de Groot.

9 Ludwig von Schmidberg.

10 Diederik de Groot.

11 Dit moet Christiaen Prins geweest zijn. Op 24 mei 1634 werd hij te Leiden ingeschreven als student in de rechten.

12 Christiaen van Beresteyn; zie no. 3536.

13 Pieter de Groot.

14 Jan de Groot.

[p. 286]

tibique unice commendo, et Losecatium¹. Neutri inutilem puto fuisse in Gallia moram.

Vale quam suavissime cum parentibus², uxore³, liberis⁴, amicis.

Tui amantissimus frater
H. Grotius.

1 Diderik van Losecaet.

2 Jan de Groot en Aeltgen Borre van Overschie.

3 Alida Graswinckel.

4 Voor hun namen zie men no. 3452, p. 83 n. 13.

Lutetiae, 15 Maji 1638.

Datus est in carcerem Salmuri presbyter oratorii⁵, quod ad Augustini librum de Virginitate⁶ scripsisset S. Virginem sine voto implesse virginitatis perpetuae propositum idque laudabilius esse quam facere eadem ex voti necessitate. Addiderat confessionem non valere ad obtinendam veram absolutionem nisi contritio praecederet.

5 Claude Seguenot.

6 Voor de titel van dit werk zie men no. 3575 p. 283 n. 13.