Briefwisseling van Hugo Grotius. Deel 9

3574. 1638 mei 12. Van C. de Groot¹¹.

Venerande Pater,

Ante octiduum, quas ad te Geneva scripsi litteras¹² recte curatas arbitror.

11 Hs. Den Haag, ARA. Eerste afd. coll. Hugo de Gr. Aanw. 1911 XXIII no. 25. Eigenh. oorspr.

12 No. 3557.

[p. 282]

Nunc Basileae famosa in urbe litterarumque cultrice dum haereo, ne desim scribendi officio in itinere, quo usque pervenerim quidque effecerim, te edoceo.

Genevensis Reipublicae administratores missis ad me, qui universi senatus nomine salutarent suaque offerrent benigna officia, et caena insuper binoque de publico depromto honestarent, quantum nomini tuo tuisque virtutibus tribuerent abunde demonstrarunt. Inter illos praecipuis tui aestimatoribus Diodatius¹, nostri illius Parisiensis² frater, adscribi aut meruit aut mereri certe videtur. Pecuniae credo a Rassio³ subductae tuaque opera restitutae non immemor egi quantas potui gratias promisique relaturum me tibi, quoscunque honores immerenti mihi exhibitos absenti tibi exhibere se ostendissent.

Mullerus⁴ apud exercitum agit, qui undecim hinc abest milliaribus. Adventum ejus avide exspecto. Ubi venerit, itineris quod restat expediam, quod exhausta pecunia differre nunc cogor.

Promovet se ingenti festinatione hostilis excercitus nec minori ei (?) occurrit dux Vinariensis⁵ crediturque brevi rei totius summam in proelium deventuram.

Deus felicem largiatur exitum qui te quoque, venerande pater, tuasque curas secundet.

Tibi obedientissimus filius
C. de Groot.

1 Deodato Diodati.

2 Elias Diodati, rechtsgeleerde; over hem zie men R. Pintard, Le libertinage érudit (Paris 1943), register i.v. Diodati.

3 Christoph Ludwig Rasch.

4 Georg Müller, Zweedse hofraad en secretaris.

5 Bernhard, hertog van Saksen-Weimar.

Basileae, XII/II Maj. 1638.

Boven aan de brief schreef Grotius: Rec. 25 May.