Briefwisseling van Hugo Grotius. Deel 9

3502. 1638 maart 21. Aan G. Müller³.

Nobilissime et amplissime domine,

Postquam priores meas ad te literas⁴ Litzavio⁵ dederam, quem tunc discessurum illico putabam, retentus autem is fuit multo ultra speratum lentitudine ac tepore hujus regiae circa res Germanicas, accepi tuas 21 Feb. vet. Cal. datas⁶, neque multo post per Ebstenium⁷ historiam felicissimi praelii⁸, quo hostium duces et tot hostium in manus venere.

Habeo gratias pro sumpto labore neque multum, quod reponam, habeo, nisi auditum me a rege⁹ ante hos dies sex. Cum ei ostenderem, quam necessarium esset duci¹⁰ auxilia neque pauca neque tarda mitti: id ni fieret, cuncta parta esse in periculo multumque id difficultatis ad ambiguas hoc tempore Suedorum consultationes allaturum. Contra si properaretur, magnas spes bonorum successuum turbidis Hungariae Poloniaeque rebus nec citra metum belli etiam externi. Adjeci et alia, quae movere poterant, non immemor et Palatinae domus misere oppressae et Hassiae lapsantis, ni sustentetur.

3 Gedrukt Epist., p. 412. Geadresseerde, Georg Müller, was secretaris en Zweedse hofraad.

4 No. 3493 dd. 15 maart.

5 Conrad Lutzow.

6 Ontbreekt.

7 Johan Epstein.

8 De overwinning van Bernhard, hertog van Saksen-Weimar, behaald bij Rheinfelden op 3 maart 1638.

9 Lodewijk XIII van Frankrijk.

10 Bernhard, hertog van Saksen-Weimar.

[p. 167]

Dixit rex id jam se agere, ut augeatur dux VI M sub Guebriano¹ partim Gallis partim Germanis et inter hos Smitsbergio². Ego metuo, ne, ut hic fieri solet, multum de eo numero decedat: deinde ne minus festinetur quam poscunt tantorum rerum momenta. Itaque non desino quoscunque video incitare aut etiam impellere.

Schmalchius³ Hamburgi est cum plenis mandatis ad res Gallicas et Britannicas. Novos nodos nectit Davausius⁴ nec de pecunia tantum, sed et de bello Caesari⁵ indicendo. Et non desunt a Caesare novae Suedis ad pacem incitamenta. Putat ille tamen venturos ad aequa Gallos et iter ipse in Galliam ita ferentibus, ut ait, mandatis meditatur; quae mandata habeat, ubi venerit, videbimus.

Nostri omnes Tuam Amplitudinem tuosque omnes amantissime salutant.

Tuae nobilitati amplissimae addictissimus
H. Grotius.

1 Jean Baptiste de Budes, maarschalk van Guébriant.

2 Ludwig von Schmidberg.

3 Peter Abel Schmalz, secretaris van de Zweedse rijkskanselier Axel Oxenstierna.

4 Claude de Mesmes, graaf van Avaux.

5 Ferdinand III.

11/21 Martii 1638.