Briefwisseling van Hugo Grotius. Deel 9

3493. 1638 maart 15. Aan G. Müller³.

Nobilissime atque Amplissime Domine,

Latine igitur scribam, cujus sermonis elegantiae si olim studui, otium cum suppeteret, eam mihi curam et adversa multa et negotia ademerunt. Olim frui, non dicam licuerit, sed libuerit; nunc uti satis est, id est, intelligi.

Misi ad aulam aliquoties obtinuique diploma tuti itineris, quod mitto. Exspectabimus te, tuam⁴, tuos⁵ ego et uxor; et quicquid nostrae est facultatis conferemus ad sublevandas itineris vestri molestias. Uxor mea et ipsa nolens et me nolente differre in aliud tempus iter suum cogitur maris ob corporis constitutionem impatiens et quominus terrestre iter aggrediatur, territa rumoribus, qui crescunt indies de militum partis utriusque effraeni licentia. Accedit, quod Estampii legati⁶ apud Batavos Gallici uxor⁷ diploma ad aula Bruxellensi impetrare non potuit, nobis autem invidiosum sit obtinere quod ipsi negatum est.

Berneggero⁸, viro et optimo eruditissimo, omnia precor prosperrima velimque multos reperiri eo judicio, ea animi moderatione.

Gratias habeo maximas pro nuntiatis rebus fortissimi ducis Vinariensis⁹. Intelleximus ex eo duo ejus praelia et eorum altero captos hostium duces. Magni sunt dignique tanta virtute successus, sed nihil profuturi Germaniae, nisi validis auxiliis alantur et quidem in tempore. In id laboro quotidie apud regis¹⁰ administros; Germanos militum praefectos, hic qui sunt, excito, ut instent mecum et ipsi nec elabi patiantur tam pulchre natam recuperandae patriae occasionem. Postulavi et aditum ad regem, cujus tempus ut mihi significetur, exspecto. Satis intelligo, quantum in celeritate consistit, velimque id et alii intelligant, et qui intelligunt cordi sibi esse velint.

Ab Hamburgo nihil habui postremo die. Anterioribus literis didiceram liberatam ab hostilibus copiis Pomeraniam praeter praesidia Dammini, Loytzae et arcis

3 Gedrukt Epist., p. 409. Georg Müller was Zweedse hofraad en secretaris.

4 Sophia Sauler.

5 Niet geïdentificeerd.

6 Jeân d'Estampes.

7 Marie Gruel.

8 Matthias Bernegger, filoloog en historicus, hoogleraar te Straatsburg.

9 Bernhard, hertog van Saksen-Weimar.

10 Lodewijk XIII.

[p. 153]

Wolgasti; venisse Schmalchium¹ cum supremis mandatis rectorum Suediae² tum ad consummanda pacta Wismariensia³ tum ad fedus faciendum cum Anglis⁴. Appariturum utrique negotio nihil ab ipsis morae futurum, si amici patiantur se ad aequa deduci.

Polonus⁵ novas parat vires ad tuendum vectigal Spiringianum⁶ contra se armantibus Dano⁷ et Batavis. In conventibus partium regni, qui conventum generalem indictum Warsaviae antecesserunt, jurgia et rixae fuere ferme quales et Hungariae super eum vectigalis metum etiam nobilitati gravem. Formido ingens incessit et protestantes Poloniae et Graecae religionis homines ob militiam illam novam immaculatae conceptionis Beatae Virginis⁸, quam rex pontifice⁹ instituit auctore. Habet is rex hic unum hominem res suas acturum Forbishium¹⁰ nomine. Audio eum magna clade affectum a Cosaccis, qui imperia ipsius exuere coeperunt.

Vale, vir amplissime cum nobilissima familia.

Tuae Nobilitati addictissimus
H. Grotius.

1 Peter Abel Schmalz, secretaris van de Zweedse rijkskanselier Axel Oxenstierna.

2 Voor hun namen zie men no. 3424, p. 40 n. 1.

3 Zie no. 3479, p. 129 n. 2.

4 Vgl. no. 3479, p. 129 n. 10.

5 Wladislas VII (IV) van Polen.

6 Zie p. 127 n. 4.

7 Christiaan IV.

8 Over deze door Wladislas VII (IV) gestichte ridderorde zie men VIII, p. 763 no. 8.

9 Urbanus VIII.

10 William Forbes, secretaris van de Koning van Polen.

5/15 Martii 1638.