Briefwisseling van Hugo Grotius. Deel 9

3409. [1638] januari 2. Aan J.A. Salvius⁴.

Illustrissime Domine,

Multum nimis confirmor sententiis literis, quas abs te 11 Decembris⁵ accepi; scripsit ad me ex Holmia Schmalchius⁶, quem jam apud vos esse credo.

De Curtii⁷ adventu et huc perlata est fama, quae in hanc aulam multum attulit trepidationis; neque desino eum alere rumorem, nimirum ut quod recte mones pluribus luctantibus inveniatur justum rei pretium.

Angli, si credendum est qui hic sunt legatis⁸, mallent illud de suo sane periculoso federe⁹ negotium Hagae quam Hamburgi tractari; causam ei obtendunt consilio, quod et reginae Bohemicae¹⁰ auctoritate multum apud Batavos ob religionis consanguinitatem valente et principis Arausionensis¹¹ ibi cunctipotentis non tam gratia quam imperio pro domo Palatina, cui ipse est proavunculus, uti se posse sperent. Accedunt forte causae et aliae; tamen paratos se ajunt aut Hagae agere aut Hamburgi, ut se res tulerit. Valde placet responsum sane festivum, quod Hamburgensibus a legatis¹², qui nunc ibi sunt, datum est.

Quid de vectigali isto ad Dantiscum sit futurum, in magna sum exspectatione. Non Prussia tantum regia et ducalis ad eam rem commovetur, sed et Batavi ut in re pecuniaria serio valde, Angli, ut solet, lente, Galli tanquam speculabundi. Doleo nostros in urbes cogi; id enim bellum nostris sumptuosum faciet, vereor ne et taediosum populis nostris, quorum in pupillari regno major quam alio tempore solet haberi ratio.

4 Gedrukt Epist., p. 392. Antw. op no. 3379 (dl. VIII). Johan Adler Salvius was hofkanselier en Zweeds gezant te Hamburg.

5 No. 3379 (dl. VIII).

6 Peter Abel Schmalz.

7 Ferdinand Siegmund Kurz, graaf van Senftenau.

8 John Scudamore en Robert Sidney, graaf van Leicester, resp. ordinarius en extra ordinarius Engels gezant te Parijs.

9 Het betreft hier onderhandelingen op instigatie van Frankrijk gevoerd om te komen tot een verbond tussen Frankrijk, Engeland, de Republiek der Verenigde Provinciën, Zweden en Denemarken.

10 Elisabeth Stuart, weduwe van de in 1632 overleden Winterkoning, Frederik V van de Palts.

11 Frederik Hendrik.

12 Johan Adler Salvius, Claude de Mesmes, graaf van Avaux, Joseph Averie en Henry de Vic.

[p. 12]

Quae his in locis aut aguntur aut disseruntur scripsi septimo quoque die aut ad te aut ad Scorlingium¹.

Novi in hac aula motus sunt adversus cardinalem². Prospicit is sibi quantum potest et magno motu magna odia compescit.

Ad cardinalem Ginettum³ misit imperator⁴ tuti itineris literas pro Suedis et Batavis⁵, pro Gallis⁶ ut ait missurus, ubi Galli suas dederint, nempe ita ut ipsum, quo ea res tendit, imperatorem vocent alioqui eas pro nullis habiturus.

Deum precor, Illustrissime Domine, hunc annum, cujus ut hic numeramus Lutetiae, die altera haec signo, prosperet Excellentiae Tuae, cui me proprium dico ϰλήσει ϰαὶ χϱήσει.

1 Balthassar Schörling, postmeester te Hamburg.

2 De Richelieu.

3 Martio, kardinaal Ginetti, pauselijk legaat te Keulen.

4 Ferdinand III.

5 De gezanten waren, voor zover mij bekend, nog niet benoemd.

6 Voor hun namen zie men no. 3407, p. 7 n. 11.