Briefwisseling van Hugo Grotius. Deel 8
(1971)–Hugo de Groot–
Auteursrechtelijk beschermd3338. 1637 november 10. Aan G.J. VossiusGa naar voetnoot1.Vir eximie, Tardipedes tuae fuere literae scriptae circa Eidus QuintilesGa naar voetnoot2: ad me pervenere circa Eidus Novembris. Ita curari solent, quae per amicos mittuntur, iter quippe facientes suo ex usu, non ex desiderio nostro. Is ipse, per quem miseras, DanusGa naar voetnoot3 accessit quidem aedes meas, sed me non reperto - ita volentibus rebus ipsius - ab hac urbe abiit et mecum colloquia in reditum distulit. Ego et ei et quoscumque vel leviter commendaveris, praestabo omnia, quae meae sunt opis. Tua de IdololatriaGa naar voetnoot4 nec minus de arte PoëticaGa naar voetnoot5, non credas quam hic exspectantur avide. Nostrae ad Evangelia notaeGa naar voetnoot6, ut facile vides, exspectandum habent HeinsianasGa naar voetnoot7, Gothica quoque nostraGa naar voetnoot8 Procopii editionem, quam moliuntur ElzeviriiGa naar voetnoot9, AnthologiamGa naar voetnoot10 paratus submittere, si tibi placent typi Graeci, si adest corrector et qui indicem concinnet valde hujus operis usui necessarium. Praeterea video agi cum illis moratoribus non debere nisi ex syngrapha, ut, nisi intra praestitutum diem absoluta sit editio, committatur poena. De Annalibus et Historiis belli BelgiciGa naar voetnoot11 an edi debeant, certe ad inducias usque, tuum et quos amicos nobis nosti judicium exspecto. Nolo lucrum ex editionibus facere, sed indemnem me praestari aequum est. Id, nisi centum habeam exempla chartae melioris bene compacta, consequi non possum, tantus est eorum, quibus debeo, numerus. Si quis Tacitum ediderit, habeo multas ad eum conjecturasGa naar voetnoot12. Ad LucanumGa naar voetnoot13 quoque notas duplices conjunxi multaque addidi, si quis forte uti velit. | |
Nostri te tuamque matrem familiasGa naar voetnoot1 ac liberosGa naar voetnoot2 resalutant. Lutetiae, 10 Novembris 1637. Tuus tibi obligatissimus
|
|