Briefwisseling van Hugo Grotius. Deel 8

3337. 1637 november 10. Aan J. van Reigersberch⁵.

Massiliam recte te pervenisse, nobilissime Reigersbergi, gaudemus omnes et jam in Italia te esse auguramur, quod felix tibi faustumque⁶ sit. Ei quam ante hac mihi miseras epistolae⁷, repsondi⁸ neque me pigebit umquam aut legere tuas aut tuis rescribere.

Memento videre, si Casale adveneris, D. cancellarium Guiscardium⁹, si Florentiam Galilaeum¹⁰, mathematicorum ac physicorum principem, si Bononiam Iustum Ryckium Belgam¹¹. Nam de salutandis Romae Puteano¹² et Holstenio¹³ nihil credo te admoneri opus.

Antiqua monumenta et loca, in quibus res gestae sunt memorabiles, etiam transiens spectare cura; inquire, quantum licet, in principum civitatum vires ac studia; denique illam tibi praecipue para scientiam, qua Itali caeteras gentes facile antecellunt: imperio regendi populos.

Vale et nos omnes tui memores crede idque nos abs te exspectare mutuum.

Lutetiae, 10 Novembris novi Cal. 1637.

Tuus tibi faventissimus
H. Grotius.

5 Gedrukt Epist., p. 377. Antw. op no. 3290. Geadresseerde, Johan van Reigersberch, was een zoon van Maria's oudste broer Johan.

6 Vgl. de heilwens op de Romeinse stadspoorten: Felici Faustoque ingressu.

7 Ontbreekt.

8 Ontbreekt.

9 Trajano Guiscardi.

10 Galileo Galilei.

11 Justus de Rijck.

12 Christophe Dupuy (†1654).

13 Lucas Holste; zie over hem III, p. 193 n. 14.