Briefwisseling van Hugo Grotius. Deel 8

3176. 1637 juli 24. Aan L. Camerarius⁵.

Illustrissime Domine,

Quae ad me scripsisti Iunii diebus 17/27, 18/28 et ante XXII novi Calendarii⁶, ea cuncta ad me eodem tempore, die scilicet hujus mensis 9/19 pervenere.

Tabulas tuti itineris pro Germanis a cardinali Hispano⁷ datas non vidi, sed tales esse intelligo. In quibus nihil desideretur.

5 Copie Uppsala, UB., cod. 388a, ep. 84. Gedrukt Epist., p. 344. Ludwig Camerarius was ordinarius Zweeds gezant in Den Haag.

6 De brieven van Camerarius aan Grotius ontbreken.

7 Don Fernando, kardinaal-infant van Spanje; zie IV, p. 412 n. 11.

[p. 437]

Multum hic gaudii attulit motus principis Arausionensis¹, in Flandriam, ut putatur. In easdem partes credo iturum cardinalem Valettam² et Milereium³, ubi Landresium ceperint, cujus nunc partim ad propugnacula partim ad fossam perventum est. Ac praeter quas eo duxit copias, habet is ad Bononiam VI ferme millia.

In Comitatu Burgundiae dux Longavillanus⁴ Orgeletum, dux Vinariensis⁵ Balmas et Montemmartini cepit. Hic an in Germaniam iturus sit, dubitatur etiamnunc et queritur dilabi Halerii⁶ equitatum, ita ut vix ducenti supersint.

Non placet Gallis Rhenum transgredi. Et quam parum curent Transrhenana, documento est Ehrebreiststenium amissum et Ransovii⁷ neglectus miles.

Non negant Angli multa a suis invecta Dunquercam. Sed et ab eo se abstituros ajunt et piscatoribus quietem fore, si quod cum Gallia pepigere faedus, ei se Batavi adjungant; quod et significaturum ipsis principem Palatinum⁸. Fedus ipsum non vidi; quae vero eo contineri dicuntur, scripsi antehac⁹. Belli paratus ab Anglis in ver parari audio hyemem sumturos ad exercendum militem.

Sanctichaumontius¹⁰ nondum huc venit, sed venturus creditur.

Prae se ferunt Angli non nolle se, ut Hagam transferatur conventus de federe, quando Hamburgi non satis libera futura sit deliberatio.

Ex Hispania literae nos docent id laborare Tellerum¹¹, ut ab imperatore¹² legatio in Angliam veniat. Aequissimum mihi videntur Suedi nostri dicere non debere expertes esse belli onerum, qui ad pacem suo ex commodo faciendam aliena opera uti volunt.

Multum praedicatur D. Banerii¹³ non fortitudo tantum, satis cognita, sed et in rebus disponendis prudentia speramusque, si non quo usque vellemus procedant Gallorum arma, tamen in id valitura, ut parte hostilium virium D. Banerium liberent. Ego Gallos coram, D. ducem Bernhardum per literas incendere non desino.

Commoda D. landgravio¹⁴ ad pascendum militem esset Frisia Orientalis, sed an id placiturum sit Batavis, equidem nescio. Intelligimus et Ferdinandum¹⁵ et Oenipontanam¹⁶ parare se, ut Poloni sponsam¹⁷ fines versus deducant.

In Italia postquam Anglianam arcem XXII Iunii cepit, nihil promovit

1 Frederik Hendrik.

2 Louis de Nogaret d'Epernon de La Valette.

3 Charles de La Porte, markies van La Meilleray.

4 Henri d'Orléans, hertog van Longueville.

5 Bernhard, hertog van Saksen-Weimar.

6 François de l'Hospital, sieur du Hallier.

7 Josias, graaf van Rantzau; zie VI, p. 327 n. 13.

8 Karl Ludwig.

9 Zie bijvoorbeeld no. 3085 dd. 20 mei en no. 3123 dd. 19 juni. Zie ook de brief aan Oxenstierna van 3 juli (no. 3146).

10 Melchior Mitte de Miolans, markies van St. Chaumont.

11 John Taylor, Engels agent in Wenen.

12 Ferdinand III.

13 De Zweedse veldmaarschalk Johan Gustavsson Banér.

14 Wilhelm V, landgraaf van Hessen-Kassel.

15 Keizer Ferdinand III; vgl. no. 3177 aan Axel Oxenstierna.

16 Claudia de Medici, weduwe van aartshertog Leopold; zie V, p. 451 n. 11.

17 Op 13 september 1637 huwde Wladislas VII (IV) van Polen met Cecilia Renata, dochter van keizer Ferdinand II.

[p. 438]

Hispanus¹. Mittitur tamen e Neapolitano regno eques Mediolanum. Captas nuper eo in mari Batavorum naves ulciscitur pirata ab Algeria et Biserta oram tam Liguiriae quam Calabriae ita impune incursans, ut et municipia quaedam diripuerit. Genua magis magisque suspectas habet Hispanorum in se molitiones.

Gaudemus omnes comitis Suessionensis² tranquillatum animum concesso ipsi in aulam venire aut emanere suo arbitratu, dum nequid regno noxium tentet: ita bono Galliae rerumque communium abstractus est ab iis consiliis, quae ipsi dabat Bruxellensis aula et ei favens Sanctibarrius³. Non dubium est, quin D. principis Arausionensis ducisque Bulionii⁴ benevolentiae in se multum debeat comes et ob eum servatum ipsa Gallia. Etiam de equitatu ducis Lotharingi⁵ pars aliqua a ducis Vinariensis milite caesa est. Landresium tribus cuniculis oppugnatur. Cessurum creditur ante 6⁶ diem Augusti. Qui obsidet exercitus habet XIII^es mille pedites, VIII^es mille equites in magna copia commeatuum. Sex illa millia quae ad Bononiam fuerant, Caletum venere.

Dux rusticae seditionis, Galostius⁷ nomine, ad regios duces non acceptis commeatus liberi literis cum venisset, in vincula ductus est.

Vidi exemplum literarum tuti itineris pro legatis, qui pacis faciendae causa ituri sunt Coloniam, in quo nihil desideratur, nihil est quod offendat.

Deus, illustrisime Domine, te ac tuos sospitet.

Excellentiae Tuae observantissimus⁸
H. Grotius.

1 Diego Mexia Felipes de Guzmán, markies van Leganés, gouverneur van Milaan.

2 Louis de Bourbon, graaf van Soissons.

3 Henry d'Escars de Saint-Bonnet, sieur de Saint-Ibar.

4 Frédéric Maurice de La Tour d'Auvergne, hertog van Bouillon.

5 Karel IV, hertog van Lotharingen.

6 Vgl. no. 3177 aan Axel Oxenstierna. In de copie te Uppsala staat: V.

7 Simeon Estancheau, gezegd La Galoche, Hij werd op 21 oktober 1637 te Angoulême terechtgesteld.

8 De woorden ‘Deus ... observantissimus’ ontbreken in de uitgave der Epist. In plaats daarvan heeft deze uitgave het gebruikelijke onderschrift: Illustrissimae Dominationi Tuae observantissimus eique addictissimus.

Lutetiae 14/24 Julij MDCXXXVII.

Adres: Ludovico Camerario, Reginae Regnique Sueciae Consiliario et Legato apud Praepot. Ord. Foeder. Belgii.

Boven aan de brief in de copie te Uppsala in margine: Redd. 3 Aug. st. n. A.^o 1637.