Briefwisseling van Hugo Grotius. Deel 8

3109. 1637 juni 4. Aan P. Schmalz⁴.

Nobilissime Domine,

Rem mihi gratam facis, quod scribis saepiuscule. Et tibi ab Oresundio Suediam petenti et D. Grubbio⁵ eunti ad Bannerii⁶ castra iter prosperum resque omnes secundas opto.

Avebo intelligere copiarum e Suedia in Germaniam adventum et quid de suo itinere aut domi mansione constituturus sit magnus D. cancellarius⁷.

Hamburgi civitatis me miseret, quae tam gravem adeoque implacabilem vicinum habeat. Sed in eo negotio occupatus minus, ut puto, quicquam ausurus est nobis, quod sit adversum. Si quid in ejus regis⁸ molitionibus proprius cognoveris, rem nobis pergratam facturus es, si nos non patiaris ignaros.

Dux Bernhardus⁹ in Campania haeret nunc quoque magno occasionum dispendio.

Belli interni, quo a rusticis in tributa insurgentibus excitatum est, metus partem regiarum virium illuc trahit, id est in Petrocorios, Avernos vicinosque, estque id inter impedimenta, quominus quantis oportet copiis animisque in hostem eatur. Sunt et qui secreta de pace colloquia suspectant. Palam certe negant Galli se suam causam a sociis segregare velle: idque significaturus Coloniam, quo jam

4 Hs. Stockholm, RA. Gedrukt Epist., p. 332; Oxenst. Skrifter 2. afd. IV, p. 589. Peter Abel Schmalz was secretaris van Axel Oxenstierna.

5 Lars Grubbe; zie over hem V, p. 432 n. 12.

6 De Zweedse veldmaarschalk Johan Gustavsson Banér.

7 De Zweedse rijkskanselier Axel Oxenstierna.

8 Christiaan IV.

9 Bernhard, hertog van Saksen-Weimar.

[p. 338]

et Mediolanensis cancellarius¹ venit, mittitur nobilis Gallus Lagardius², cum regni Suedici mareschallo³ sanguine nomineque conjunctus.

Angli Hispanos audire non desinunt, qui Palatinatum inferiorem statim se ajunt velle reddere: ad obtinendum a Bavaro⁴ superiorem velle se contribuere non operam tantum⁵, sed et pecuniam. Electoralis juris per vices inter familias duas commutandi, ubi vita excesserit hic Maximilianus Bavarus spem faciunt. Incendunt iidem illam Anglorum cum Batavis de mari controversiam, quae quamdiu si non sublata, certe sopita non erit, nihil ab Anglis forte, quod sit expectandum, asseverare non⁶ dubitem.

Vale. Nostri te salutant.

Lutetiae, 4 Iunii novi Cal. 1637.

Tuae Nobilitati ad omnia officia paratissimus
H. Grotius.

1 Antonio Ronquillo.

2 Over De La Garde zie men no. 3105, p. 333 n. 5.

3 Jacob Pontusson de la Gardie.

4 Maximiliaan I, keurvorst van Beieren.

5 Het woord ‘tantum’ ontbreekt in de uitgave der Epist.

6 Het woord ‘non’ ontbreekt in de Epist.

In dorso: [Praesent.] Holmiae, die 23 Junii st. vet. 1637.