Briefwisseling van Hugo Grotius. Deel 8

3082. 1637 mei 19. Van Willem de Groot⁵.

Frater optime,

Negligentior jam paulo in scribendis litteris fui, neque enim post eas, quas Meusnerius⁶ attulit, ullas ad te dedi ideoque aliquot epistolarum jam tibi sum debitor, quod inde evenit, quia de die in diem novam scribendi materiam expectabam ex Hulstana expeditione et causa Brasseriana⁷, quarum illa segnitia ductorum pessime cecidit, haec vero praeterita septimana speratum nacta est exitum: est enim Brasserus ad dignitatem thresaurarii promotus, sed legibus, ut audio, satis duris.

Ego interea gratias tibi summas habeo pro consilio mihi dato; illud tamen superioribus addam congiarium Brasseri tantum fuisse sexcentorum florenorum, quod profecto parum est ei, qui quaestui forensi jam assueverit; deinde et mutationem domicilii non parvam incommoditatem allaturam in retinendis et multo magis in augendis clientelis. Agam cum amicis, ut quod e re fuerit consulant neque facile patiar, ut repulsam tulisse dicar; hoc enim ad meam existimationem pertinet. Instat pro filio⁸ senator Meranus⁹, pro Iohanne Voogdio¹⁰ alii; etiam

5 Hs. Den Haag, ARA. Eerste afd. coll. H. de Groot. Aanw. 1911 XXIII, no. 24. Antw. op nos. 3052 en 3062; beantw. d. no. 3114.

6 Meusnier, een vroegere dienaar van de in 1634 te Brussel overleden Willem van Oldenbarnevelt; zie ook III, p. 132 n. 1.

7 De benoeming van Govert Brasser tot thesaurier-generaal. Grotius schrijft in margine: Brasser.

8 Niet nader geïdentificeerd.

9 Abraham van der Meer, raadsheer in het Hof van Holland.

10 Johan de Voocht, bewindhebber van de Westindische Compagnie.

[p. 301]

Meermannus noster¹ ei ut cognato favet. Ego spatium deliberandi fore non dubito neque enim populares adhuc constituerunt, aliumne secundo loco suffecturi sint an minus.

Nescio, an jam ad te scripserim Salmasium² latinam Barnabae epistolam³ non habere, cogitaturum tamen, an qua arte nancisci queat.

Petrus⁴, ubi se bona obtulerit occasio, iter ad vos arripiet; ut libros, quorum meministi⁵, afferat, curabo.

Oetgesii⁶ et Bellimontii⁷ negotium jam jacet neque urgentur senatores, sed Goesium⁸ Hamburgum miserunt foederati, ut Ayssemam⁹ huc vinctum adduceret, qui cum id sine permissu consulum facere non posset; interea temporis Ayssema fuga sibi consuluit.

Belga iste¹⁰, qui a comite Egmuntio¹¹ ad nos venerat, ita negotium vidit constitutum, ut decreverit primo in Britanniam ad Setonum¹², deinde in Gallias ad comitem transfretare.

Hodie jussu Ordinum Foederatorum convenient vetus Amelandiae possessor¹³ et affinis ejus Somfius¹⁴, ut, si fieri potest, controversiae inter ipsos sopiantur.

Foederati praeterita septimana decretum egregium fecere de non accipiendis nisi publico assensu muneribus, quod utinam effectum sortiatur: Selandi vero constituerunt omnes suos extra provintiam ablegatos non jam, ut antea, ad vitam iis, quibus impositi sunt, muneribus invigilaturos, sed post triennium domum revocandos, quod an ipsorum rebus et publico conducibile futurum sit, dubitant multi.

Vale, frater optime, et nos ama.

Hagae, XIX May 1637.

Tibi obsequentissimus frater
Guilielmus Grotius.

1 Frans Dircksz. Meerman.

2 De Franse klassiek-filoloog Claude de Saumaise -Salmasius-, hoogleraar te Leiden.

3 Vgl. no. 3077, p. 293 en n. 10 aldaar.

4 Pieter de Groot.

5 Zie p. 258 nn. 15 en 16.

6 Anthony Oetgens van Waveren.

7 Simon van Beaumont uit Dordrecht.

8 De commissaris Jacob Croese.

9 Foppe van Aitzema.

10 Misschien Jean de Housse, sieur de Hung; vgl. no. 3052, p. 257.

11 Lodewijk van Egmond.

12 William Seton; zie over hem no. 2981, p. 136 n. 2.

13 Wytso Cammingha.

14 Ernst Zuhm, gehuwd met Catharina Cammingha.

..... tuas VII. May¹⁵ ad me datas ..... et Parrhisii commentum..... risi.

15 no. 3062.

Adres: A Monsieur Monsieur Grotius, Ambassadeur de la Reine et couronne de Suède A Paris.

Onder aan de brief met Grotius' hand: Mireveld.

In dorso schreef Grotius: 7 Ma(ii)¹⁶. W. d(e Groot) 16(37).

16 Foutief onder invloed van Willems postscriptum.