Briefwisseling van Hugo Grotius. Deel 7

[p. 477]

2820. 1636 oktober 30. Aan L. Camerarius¹.

Illustrissime Domine,

Haud multum agitur. Sed Witstochiensis nostrorum victoria attollit hic animos spemque dat fore, ut Gallassiani² exercitus partem a Burgundia avellat rerum Saxonicarum necessitas.

Corbiam oppugnare parant Galli jubetque nos bene sperare non imperitus talium D. Castilionaeus³.

Rex⁴ Chantiliaci est, Abbaevillae cardinalis⁵, Blesis frater regius⁶.

Mari otium est ad Genuam et Vadum tenente se Hispanica classe, ad Villamfrancam Gallica. Neque in Valle Telina fit quicquam.

In Italia Galli Villattam, quod defendi posse non videretur, detractis munimentis reliquere facilem praedam agros tenenti. Polonos stipendii inopia digredi rursum a militia imperatoris⁷ parum certus rumor est.

Angli adhuc cunctantur. Utinam cum Batavis eorum controversiae ad concordiam deduci possent, quam ad rem se nulli operae parsurum ait comes Licestrius⁸, si qua se spes ostendat.

Alchymista Boismaillaeus⁹ aulam¹⁰ fumis replet. Pacis negotium pergit urgere pontifex¹¹, sed nostrae res si porro, ut coeperunt, processerint¹², existimabunt Galli sibi quoque obvenisse aut agendi tempora aut ex commodo gloriaque sua paciscendi.

Ponicae¹³ negotium, ut ex ipsius cognosco literis Windesora datis X/XX Octobris¹⁴, prolatatur, donec videant Angli, quo loco res ipsorum cum Gallis sint futurae. Interim in ea aula rumor erat revocari Arundelium¹⁵.

Tibi tuisque omnia prosperrima toto precor animo.

Illustrissimae Dominationi Tuae observantissimus¹⁶.
H. Grotius.

1 Copie Den Haag, ARA. Eerste afd. coll. Hugo de Gr. Aanw. 1911 XXIII no. 2, p. 90; copie Uppsala, UB., cod. 388a, ep. 55. Gedrukt Epist., p. 276. Geadresseerde, Ludwig Camerarius, was ordinarius Zweeds gezant in Den Haag.

2 Matthias, graaf Gallas, was generaal-majoor in dienst van keizer Ferdinand II.

3 Gaspard de Coligny, graaf van Châtillon.

4 Lodewijk XIII van Frankrijk.

5 De Richelieu.

6 Gaston Jean-Baptiste de France, hertog van Orléans.

7 Ferdinand II.

8 De extra-ordinarius Engelse gezant in Parijs, Robert Sidney, graaf van Leicester.

9 Zie over hem no. 2762, p. 398 n. 3.

10 De Haagse copie heeft ‘aram’.

11 Urbanus VIII.

12 De uitgave der Epist. heeft ‘successerint’.

13 Tobias von Ponikau, raad en gezant van Bernhard van Saksen-Weimar.

14 Vgl. no. 2819, p. 476 en n. 2 aldaar.

15 Thomas Howard, graaf van Arundel; zie over hem V, p. 318 n. 12. De copie te Den Haag heeft nog achter ‘ipsorum’ een onbegrijpelijk ‘suo’.

16 Ontbreekt in de Haagse copie.

Lutetiae, XX/XXX Octobris MDCXXXVI.

[p. 478]

Adres: Ludovico Camerario; Reginae Regnique Sueciae Consiliario et Legato apud Praepot. Ord. Foeder. Belgii.

Boven aan de brief in de copie te Uppsala: A.^o 1636 d. 1/11 Novemb.