Briefwisseling van Hugo Grotius. Deel 7

2777. 1636 september 30. Van Willem de Groot².

Frater optime,

Ex tuis ad patrem³ undecimo hujus mensis scriptis litteris⁴ intelligo te de parentum valetudine esse sollicitum, qua cura ut te in hoc quidem tempus liberem, officii mei esse credidi te de commodiore utriusque valetudiue certiorem facere. Pater enim bene fert aetatem, mater⁵ vero etsi minus firmo corpore; saepiuscule enim languet et de hydrope conqueritur, tamen nullo magno aut letali morbo laborat. Nos reliqui valemus et meliorem filiae tuae⁶ valetudinem laeti intelligimus.

Gronovius⁷, cujus nuper feceram mentionem⁸, ostendit mihi litteras ad te Casauboni⁹, quas propediem restituturum se promittit; jam enim festinatur editio¹⁰, quod puto ipse in hisce suis litteris significabit.

Adfuit nobis heri juvenis¹¹, quem e Germania, ut tibi a concionibus sit, evocasti, qui per integros tres menses adverso vento in his nostris oris fuit detentus, et jam primum monente Matisio¹² nos accessit. Is, simulatque Euri flaverint, quod circa haec tempora plerunque solet evenire, ad vos veniet.

In castris nostris necdum quicquam magnae rei geritur; habet penes se princeps¹³ mille et sexcentas qua magnas qua minores naves. Putant rerum gnari aliquam ipsi expeditionem in animo esse, nam ut obsidionem inceptet anni tempus ferre non videtur.

Vale, frater optime, cum uxore et liberis¹⁴.

Tibi obsequentissimus frater
Guilielmus Grotius.

2 Hs. Den Haag, ARA. Eerste afd. coll. Hugo de Gr. Aanw. 1911 XXIII, no. 24. Eigenh. oorspr.

3 Jan de Groot.

4 De brief is verloren gegaan.

5 Aeltgen Borre van Overschie.

6 Cornelia, Grotius' oudste dochter.

7 Johann Friedrich Gronovius, jurist en klassiek-filoloog; zie V, p. 229 n. 2.

8 No. 2702.

9 Zie voor deze brieven van Isaac Casaubonus - behalve no. 2702 - deel IV passim en III, p. 174 met de verwijzingen in n. 11.

10 Isaaci Casauboni Epistulae quotquot reperiri potuerunt, nunc primum junctum editae. Adjecta est Epistola de morbi ejus mortisque causa: deque iisdem narratio Raphaelis Thorii. Hagae Comitis. Ex officina Theodori Maire. MDCXXXVIII.

11 Brandan Dätri, luthers theoloog uit Hamburg; hij was op weg naar Parijs, waar hij het ambt van huispredikant bij Grotius op zich zou nemen; zie VI no. 2369, p. 364 en n. 3 aldaar. Vgl. ook VI, nos. 2377 en 2417.

12 Assuerus Matthisius; zie over hem V, p. 72 n. 10; vgl. ook de in de vorige aantekening vermelde brieven uit deel VI.

13 Frederik Hendrik.

14 Alleen Cornelia en Diederik waren bij hun ouders in Parijs.

Hagae, XXX Septembris 1636.

[p. 418]

Adres: A Monsieur Monsieur Grotius, Ambassadeur de la Reine et couronne de Suède vers le Roy Trèschrestien. A Paris.

In dorso schreef Grotius: 30 Sept. 1636. W. de Groot.

Boven aan de brief: Rec. 27 oct.