Briefwisseling van Hugo Grotius. Deel 7

[p. 254]

2667. 1636 juli 10. Aan P. Schmalz¹.

Nobilissime Domine,

Publica videbis es meis ad M. cancellarium literis².
Dus Bernhardus³ privata quadam offensione in praefectum Tabernarum Alsaticarum⁴ commotus, cum benignis conditionibus recipere oppidum nollet, inter oppugnandum digitum unum amisit et comitem Iacobum Hanovium⁵ aliosque primores.

Praelii ad Ticinum famam video imminui. Machinas captas negatur. Martinus Arrago⁶, qui occisus scribebatur, tantum est vulneratus. Quae ea de re evulgantur⁷ mitto cum literis ad D. cancellarium. Mea, filiumque⁸ tuae commendo benignitati.

Nescio, quid inter Hollandiam Galliamque intervenerit; nullas accipimus literas neque ego neque alii jam ferme sesquimensi: quas a te postremas accepi, erant jam datae XXIX Aprilis ex veteri Calendario. Interim de itinere magni cancellarii in Suediam, de novis supplementis ex Suedia, de adversis nostris, quae hostes nunciant, de landgravii⁹ constantia, de Luneburgici¹⁰ conciliis, nihil habeo, quod sciscitantibus respondeam. Spero his incommodis aliquod fore remedium.

Vale quam optime.

Tuae Nobilitatis amantissimus
H. Grotius.

1 Copie Den Haag, ARA. Eerste afd. coll. Hugo de Gr. Aanw. 1911 XXIII no. 2, p. 39. Gedrukt Epist., p. 245; Oxenst. Skrifter 2. afd. IV, p. 579. Geadresseerde, Peter Abel Schmalz, was secretaris van de Zweedse rijkskanselier Axel Oxenstierna.

2 No. 2665.

3 Bernhard, hertog van Saksen-Weimar.

4 De kolonel Georg Friedrich von Mülheim.

5 Jakob, graaf van Hanau-Münzerberg.

6 Don Martino d'Arragona; zie no. 2654, p. 235 n. 5.

7 Zie no. 2665, p. 249 n. 4.

8 Grotius had zijn oudste zoon Cornelis naar Duitsland gezonden o.m. om er de Zweedse rijkskanselier te ontmoeten.

9 Wilhelm V, landgraaf van Hessen-Kassel.

10 Georg, hertog van Braunschweig-Lüneburg; zie V, p. 412 n. 6.

X Iulii novi Cal. MDCXXXVI.