Briefwisseling van Hugo Grotius. Deel 7

2601. 1636 mei 23. Aan A. Oxenstierna³.

Excellentissime Domine,

Cum nudius tertius scripserim⁴ per tabellarium, qui extra ordinem et properanter valde proficiscebatur, nihil interea evenit quod significarem, nisi venisse heri ad me ducem Bernhardum⁵, ut iterum mihi valediceret. Dicebat is videri sibi aliquid de pace in arcano agi, qua de re et aliorum conjecturas nuper perscripseram⁶. Abit cras digresso jam cardinali Valetta⁷.

Intra octo dies Ponica⁸ Angliam, Hogendorpius⁹ Hollandiam petit. Is mihi indicavit cardinalem Riceliacum in duce Bernhardo magnum potentiae suae, si qui motus ingruant, collocare praesidium. Ducis miles jam refovere se coepit hospitio comitatus Burgundiae intacti a bello hactenus. Id quomodo laturi sint Helvetti, qui ejus comitatus antiqui sunt defensores, videbimus.

Video plerosque sic existimare: principem Arausionensem¹⁰ hoc anno nihil aliud quam fines Batavos tutaturum; ita illo Gallisque cessantibus Anglo¹¹ legationibus se trahi patiente tota vis armorum in Suecos incumbit, quorum vim imminui multi etiam sociorum, ut aemulationis ingenium est, taciti gaudent.

Quidam et Romae jactant sua effectum opera, ut protestantes inter se concurrant.

Edictum regis¹² de re pecuniaria in praeteritum tempus vim suam exserens

3 Hs. Stockholm, RA. Eigenh. oorspr. Gedrukt Epist., p. 234; Oxenst. Skrifter 2. afd. II, p. 186.

4 No. 2598.

5 Bernhard, hertog van Saksen-Weimar.

6 No. 2593, p. 150.

7 Louis de Nogaret d'Epernon de La Valette.

8 Tobias von Ponikau, raad en gezant van Bernhard van Saksen-Weimar.

9 Gijsbert van Hogendorp; zie over hem VI, p. 287 n. 13.

10 Frederik Hendrik.

11 Karel I.

12 Lodewijk XIII van Frankrijk. Het bedoelde edict zal zijn: Edict et règlement faict par le Roy sur le cours et prix des monnoyes, tant de France, qu'estrangères. Paris, S. Cramoisy, 1636, in maart van dat jaar verschenen.

[p. 162]

mitto et omnia, Excellentissime Domine, felicia Tuae Sublimitati rebusque Suedicis precor.

Tuae Sublimitatis cultor devotissimus
H. Grotius.

Lutetiae, 13/23 Maii 1636.

Adres: Axelio Oxenstiernae, Sacrae Reg. Maj. Regnorumque Sueciae Senatori et Cancellario.