Briefwisseling van Hugo Grotius. Deel 7

2540. 1636 april 5. Aan de Procureur des Konings⁴.

2541. 1636 april 6. Van C. de Groot⁵.

Tuas ultimo Febr. et Mart. VI e novo Cal. datas⁶ biduum est quod recepi; et ut mei erat muneris statim, postquam receperam, tradidi.

Memini equidem scripsisse me antehac voluisse dominum magnum cancellarium⁷ tibi ut nuntiarem meam operam, si foret animus in hac aula manendi, ipsi non displicere, nec aliter quam scripsi se res habet. Quin et interim saepe ipse, saepe per alios idem est pollicitus; quae autem causa sit, cur in hoc proposito haeserit hactenus meque adhuc in incerto teneat, nemo est, qui dixerit, nec apparet omnino, nisi illud inspiciamus, quam considerate quamque cunctante[r] explicare omnia consilia sua assueverit. Quoquo modo ea se res habet, non est, quod de exspectatis mihi diu successibus desperem. Potero interim solari hanc temporis iacturam Germanici sermonis rerumque in hac aula tractarum cogitatione quantulacunque. In caeteris tuarum memor admonitionum, quas ut digne aestimem, scio et fortunae meae et isti, quam debeo tibi obedientiae interesse.

4 Copie Den Haag, ARA. Eerste afd., coll. Hugo de Gr. Aanw. 1911 XXIII no. 2, p. 5. De brief is blijkens een marginale aantekening in de copie gelijkluidend aan no. 2538 aan de Criminele Rechter te Orléans; zie aldaar, p. 66. De procureur des konings is mij niet bekend.

5 Hs. Den Haag, ARA. Eerste afd., coll. Hugo de Gr. Aanw. 1911 XXIII no. 25. Eigenh. oorspr.

6 Niet meer aanwezig.

7 De Zweedse rijkskanselier Axel Oxenstierna.

[p. 68]

Pro libraria suppellectile, quam mittere te ais, haud equidem dixerim, quantas tibi habeam gratias. Utinam et vestes adessent, cum ad apiscendos honores videantur illa non parum promovere. Possunt autem, dummodo tutum Hamburgum transmittantur, haberi a nobis sine ullo incommodo, cum inde ad nos commeantibus pateant itinera tuta nec ullo obsessa milite.

Quae publica spectant haec sunt ferme. Rostochiensem civitatem amisso praesidii praefecto¹, qui per dolum civibus se atque ipsis adeo militibus subduxit, quorum omnium irritaverat in se animos, nostrorum petitionibus aures praebere, cum steterit ista urbs iam per aliquot menses sub isto Lunemburgicorum partium tribuno² clausa dies noctesque quorumlibet aditus, adeo ut huius quoque aulae praefecto³ denegata fuerit transeundi potestas, licet media hyeme et intento gelu ipse e campo nobis vicino per suos iussisset eam peti. Bannerium⁴ cum X equitum millibus, quorum pars Salae fluvium nando traiecere per dolum hostilia castra agressum; et duo regimenta dedisse internecioni captis vexillis X progredi nunc et maiora moliri. Gaertam obsidione adhuc premi.

Silesiae eundem esse statum. At edixisse Poloniae regem⁵, ne dehinc suum intra territorium militem sibi conscribant caesariani⁶.

Rediit iam nunc Hamburgum S. Chaumontius⁷. Dominus magnus cancellarius parat se, Straelsundiam ut repetat in sequentem proxime Mercurii diem. Videtur illud agere apud dominum cancellarium Lunemburgicus⁸, ut medius sit inter partes, et hostilia in posterum exuat.

Spiringium⁹ Amstelodamum profectum scripsi iam antehac¹⁰ ut et de Mathisiae¹¹ morbo, quem lethalem sibi sensit atque adeo ante octiduum extincta est.

Deus te, venerande Parens, ingens publici, ingens nostri quoque decus atque columen, clementer custodiat, cujus tutelae et matrem meam et sororem¹² commendo.

Tuus tibi obedientissimus filius
Cornelius Grotius.

1 Wellicht Johann Dietrich von Ehll.

2 Niet geïdentificeerd.

3 Niet geïdentificeerd.

4 De Zweedse maarschalk Johan Gustavsson Banér.

5 Wladislas VII (IV).

6 De handlangers van Ferdinand II.

7 Melchior Mitte de Miolans, markies van St. Chaumont, speciale gezant van Lodewijk XIII van Frankrijk bij de Zweedse rijkskanselier Axel Oxenstierna in Duitsland.

8 Georg, hertog van Braunschweig-Lüneburg.

9 Petter Spiring Silvercrona, raad van financiën van Zweden in Duitsland.

10 No. 2506.

11 Agneta van de Wouwere, vrouw van Assuerus Matthisius; vgl. no. 2506, p. 21 n. 8.

12 Cornelia de Groot.

Vismardae, XXVII Mart. vet. cal. 1636.

Vestes meae, et si quid aliud est, quod mittas, si Hamburgensi navi committantur, quales saepe ad nos transmeare solent, nullum equidem illis periculum video, dummodo ad Hamburgensem mittantur mercatorem aliquem et absint litterae, quae notos nos faciant.

Boven aan de brief schreef Grotius: Rec. 12 Maii n.s.