Briefwisseling van Hugo Grotius. Deel 7

2529. 1636 maart 27. Aan P. Schmalz⁴.

Nobilissime Domine,

Sterilia rerum novarum esse solent non hiemis tantum, sed et crudi adhuc veris tempora. Tamen digna nuntiatu victoria est, quae⁵ apud Ravonem in Lotharingia Gallis contigit Martii 17 novi cal.

Capiebant isthac iter caesariani⁶, quos e Basileensi agro vicinisque locis fames abegerat, ut agrum Lutzenburgicum peterent, sociorum ibi copiis se addituri. Re intellecta - neque enim latere agmen duorum millium poterat - occurrit a Novocastello, quod apud Tullos est, marchio La Fortius⁷, mareschalli patris⁸ in laudes succrescens filius, patentibusque ad Ravonem campis deprehensum hostem non longo proelio, praecipua tuborum vi, quos musquettas vocant, partem alteram exitio dedit, alteram fugere coëgit captis equestribus signis fere duodecim.

In Italia ad reprimendos Mutinensis⁹ per agrum Placentinum cursantis processus Crequiacus¹⁰ cum VII millibus peditum, equitibus MCC aut amplius, partim sui partim Sabaudici¹¹ militis, ad Ticino amni proxima promovit se ipsumque Mediolani praefectum¹² eo metu Novariam pertraxit.

Fontani castello adsita pergit occupare Rohanius¹³. Difficilem in deliberationem idem dux implicuit Rhaetos, qui nunc Curiae conventum habent, regis¹⁴ mandato ab eis postulans, ut contenti juris imagine vim ipsam imperii in Vallem Telinam remittant ac ne protestantibus ibi habitare liceat.

4 Hs. Stockholm, RA. Eigenh. ondertek. De brief is nagenoeg gelijkluidend aan het grootste deel van brief no. 2526 aan Ludwig Camerarius. Gedrukt Ep. ex. Mus. Meerm., p. 37; Oxenst. Skrifter 2, afd. IV, p. 576. Peter Abel Schmalz was secretaris van de Zweedse rijkskanselier Axel Oxenstierna.aant.

5 De woorden ‘est, quae’ ontbreken in de editie der Ep. Meerm.

6 De troepen van Ferdinand II.

7 Armand de Caumont, markies van La Force; zie no. 2526, p. 50 n. 5.

8 Jacques Nompar de Caumont, markies - later hertog - van La Force.

9 Francesco d'Este, hertog van Modena.

10 Charles Créquy de Blanchefort de Canaples.

11 Van Vittorio Amedeo, hertog van Savoye.

12 Diego Mexia Felipes de Guzmán, markies van Leganés.

13 Henri, hertog van Rohan; hij opereerde in de Veltlin.

14 Lodewijk XIII van Frankrijk.

[p. 55]

Tibi omnia opto felicissima.

Tuae Nobilitati addictissimus
H. Grotius.

Lutetiae, 17/27 Martii 1636.