Briefwisseling van Hugo Grotius. Deel 7

2501. 1636 maart 6. Aan P. Schmalz¹.

Nobilissime Domine,

Quod nuntiem, haud multum habeo: ita incerta sunt omnia.

Hostis non longe Viriduno Mosam transiit; Campaniae oppida strenue munit tutaturque comes Suessionensis². In Picardiam, quo se ex Belgico fine aliae hostium copiae contulerunt, rex³ militem mittit et tuendo regno, ut vetus mos est, nobilitatem evocat.

Comiter hic exceptus Parmensis⁴ abit locum facturus duci Bernhardo⁵, qui hic exspectatur, ut consilia societ cum Valetta⁶, Fortio⁷, Feuqieerio⁸, qui omnes hic sunt. Res in regno quietae hactenus, quanquam non desint discordiarum semina.

In Italia nil nisi praedae aguntur terra marique. Ad Tombium bene se muniunt Hispani, ad Bremum Sabaudus⁹, ad Clavennam et Comensem lacum Rohanius¹⁰. Pergunt novae hostium copiae transire Alpes, partim ad Mediolanensem agrum, partim Valli Telinae infesti. Navium Hispanicarum, quae peditem Hispanum Genua Vadum advexerant, una, ejus generis quas galeones vocant, tempestatum vi mersa est.

Wurtenbergenses legati¹¹ Viennae adhuc detinentur.

In Alsatia Ensishemum et Marchelshemum retinent Caesariani¹². Argentoratum et Basilea pro fortuna partium modo huc, modo illuc nutant.

Ver appetit, res majores, ut credibile est, allaturum.

Tibi tuisque omnia opto prosperrima.

Tuae Nobilitati addictissimus
H. Grotius.

1 Hs. Stockholm, RA. Eigenh. ondertek.; de woorden ‘Galli Vallem Telinam ... a Catalauno leucis XII’ uit de copie van L. Normannus in de bibl. van Linköping. Gedrukt Ep. Meerm., p. 34; Oxenst. Skrifter 2. afd. IV, p. 574. Peter Abel Schmalz (Smalze) was secretaris ter Zweedse kanselarij. De brief is qua inhoud vrijwel gelijk aan no. 2499 van dezelfde datum aan Ludwig Camerarius.aant.

2 Louis de Bourbon, graaf van Soissons.

3 Lodewijk XIII van Frankrijk.

4 Odoardo Farnese, hertog van Parma.

5 Bernhard, hertog van Saksen-Weimar.

6 Louis de Nogaret d'Epernon de La Valette.

7 Jacques Nompar de Caumont, markies van La Force.

8 Manasse de Pas, markies van Feuquières.

9 Vittorio Amedeo, hertog van Savoye.

10 Henri, hertog van Rohan, luitenant-generaal van de Franse troepen in Graubünden en de Veltlin.

11 Zie no. 2499, p. 8 n. 6.

12 De troepen van Ferdinand II.

Lutetiae, 6 Martii novi Cal. anni 1636.

[p. 13]

Meldis - à Meaux - est dux Bernhardus, in Campania hostis cum XIV millibus, abest a Catalaunis - Châlon - leucis XII.

Adres: A Monsieur Monsieur Schmalchius, secrétaire de Monseigneur le Grand Chancelier de Suède.

Een afschrift van Laurent Norrmann (1651-1703) uit de bibliotheek van Linköping heeft nog de toevoeging:

Galli Vallem Telinam plane exemtam volunt Rhaetorum imperio, nisi quod e tribus nominatis unum judicem electurus sit Rhaetorum conventus; protestantibus neque sacra neque habitatio in Valle permittitur; sed liceat eis bona sua vendere, aut per romanenses reditus accipere. Censum Rhaeti e Valle percipiant belli tempore XV^m, pacis tempore XXV^m scutatorum. Haec Rhaetis non placent, sed concoquenda sunt validiorum imperia. Ilanae nunc consultatur his de rebus.

Dux Bernhardus jam Meldas advenit. Hostis in Campania cum XIV millibus abest a Catalauno leucis XII.