Briefwisseling van Hugo Grotius. Deel 7

[p. 1]

2495. 1636 maart 1. Van J. de Voisin¹.

Domine Illustrissime,

Humanitatis tuae fuit meas esse aliquid putare nugas²; officii mei est tibi gratias agere, quas rependere non possum. Iudicii tui fuit Iudaicarum constitutionum editionem³ praescribere: meae erga te observantiae est voluntati tuae parere; si minus possim satisfacere, mitto itaque specimen lucubrationum mearum, quas a Maiemonis metaphrasi⁴ inchoavi; cuius priores duos libros de scientia et amore latinos feci. Prolegomena describenda curavi, quae Talmudicam historiam continent; duo etiam priora capita primi libri, quorum primum, Deum esse unum et incorporeum probat, secundum docet mundani opificii contemplatione homines ad Dei amorem et reverentiam converti; deinde caput secundi libri, ubi agitur de ratione recitandae lectionis: Audi Israël etc. Adiiciendi videntur novi ritus, quibus in praesentiarum Iudaei utuntur. Tum collatis Christianis constitutionibus nostris Iudaica dogmata confutabo; si tamen operam hanc meam tibi probatam fore ausim sperare.

Pagina iudicium docti subitura movetur
Legati, ut Clario missa legenda Deo.

Vale et amare perge, Domine Illustrissime,

addictissimum tibi
J. de Voysin.

1 Hs. Den Haag, Kon. Bibl., cod. 76 D 26. Eigenh. oorspr. Beantw. d. no. 2554 dd. 14 april. Schrijver, Joseph de Voisin, was geboren te Bordeaux tegen 1610; hij had zitting in het stadsbestuur aldaar en vervolgens priester geworden, ontwikkelde hij zich tot een hebraicus van betekenis. Hij is gestorven in 1685.

2 Catullus I, 1, 3.

3 Wellicht niet verschenen; ik heb het althans niet kunnen vinden.

4 Maimonides' Mischna tora (הנֶשְׁמִ הרָוׄת).aant.

Burdigalae, Cal. Mart. 1636

Adres: Illustrissimo Domino Domino Grotio, Suedorum ad Regem Christianissimum legato.

In dorso schreef Grotius: 1 Martii 1636 Voysin.