Briefwisseling van Hugo Grotius. Deel 6

[p. 504]

2461. 1636 februari 3. Van Willem de Groot¹.

Frater optime,

Filius tuus natu minimus² XXIV praeteriti mensis Brielam profectus inde in navem bellicam, quae in statione Goeredana ventum faventem expectabat, se contulit. Neque post illa litteras aut nuntium ab ipso accepi; quae rei facit, ut credam eum jam in Gallias pervenisse, nisi forte reflante vento in Britanniam rejecta sit navis. Ego de omnibus inquirere non desinam, donec certi aliquid aut ex vobis aut aliunde comperere.

Litteras hasce ad te curandas Petrus³ misit, qui jam Amstelodami juris studio - ut spero - insudat. Parentes⁴ amicique omnes valent et mecum magno vestrarum litterarum tenentur desiderio.

Cognatus Justus Adrichemus⁵ contra multorum opinionem filiam suam⁶ filio Gerardi Santeni⁷, judicis quondam tui, despondit; nuptiis dies dictus est decimus Februarii.

Affinis Reigersbergius⁸ nondum ad nos rediit; cum redierit libellum deputatis Ordinum offerri curabo, ut restituantur chartae tibi ablatae⁹.

Novi fere hic nihil habemus: Ordines Hollandiae indies conveniunt neque quicquam fere promovent, certe nihil quod ad summam rei pertineat conficiunt fluctuantibus nimis diu animis inter necessitatem armorum capescendorum et spem induciarum. Putant prudentiores Hispanos iterum artibus suis uti, ut nostris veternum incutiant ipsique bene expeditis rebus nostros imparatos opprimant: certe tricae et subterfugia, quibus utuntur, amplius tolerari non possunt. Iverat Sylvam Ducis eorum invitatu Mussius¹⁰, quo cum veniret salvi conductus litteras non repperit; rediit ille Dordracum ibigne per aliquot dies substitit: rursus eo, unde venerat, navi relictus, fere integram per septimanam in navi latuisse creditur atque ita tandem comitante buccinatore Turnhoutam petiit. Multi putant nondum advenisse ex Hispania mandata nunquam adventura aliis compertum sibi aliter esse contendentibus. Certe nunc res ἐν ἀϰμῇ est, ut aut rumpenda sit ulterior tractatio aut, si spes bona allucessit, perficienda.

Illud pene oblitus eram de Tilenianis tuis litteris¹¹ monere, quod ex Mairio¹² intellexi, omnia nimirum, quae ipsi tradideras Heidelbergae in excidio urbis

1 Hs. Den Haag, ARA. Eerste afd. coll. Hugo de Gr. Aanw. 1911 XXIII no. 24. Eigenh. oorspr.

2 Diederik, die na een verblijf om studieredenen in het vaderland zich bij zijn ouders in Parijs kwam voegen.

3 Grotius' tweede zoon Pieter verbleef eveneens voor zijn studie in het vaderland.

4 Jan de Groot en Aeltgen van Overschie.

5 Joost Jacobsz. van Adrichem uit Delft.

6 Maria van Adrichem.

7 Pieter, zoon van Gerrit Beukelsz. van Santen (†1635); laatstgenoemde was destijds een van Grotius' rechters.

8 Nicolaes van Reigersberch, Grotius' zwager.

9 Over maatregelen tot teruggave van deze papieren, hem bij zijn arrestatie ontnomen en onder berusting van rekenmeester Mr. Johan Basius, had Grotius bij zijn broer herhaaldelijk en met klem aangedrongen.

10 Cornelis Musch, griffier van de Staten-Generaal; vgl. no. 2350, p. 336 en n. 5 aldaar.

11 Betreffende deze brieven van Daniel Tilenus zie men passim in voorgaande brieven; zie ook III, p. 407 en ibid., p. 158.

12 De Leidse uitgever Jean le Maire.

[p. 505]

periisse; illuc enim imprimenda Mairius miserat. Casauboniana¹ ab Elzeviriis² repetere non desinam. Characteres hos Anthologiae Graecae³ destinat Blavius⁴ latinos eos, quibus usus est in argumentis paragraphorum operis tui de jure belli⁵; sed revera lentior ipse est quam tua expectatio requirit.

Vale, frater optime, cum uxore et liberis⁶.

Tibi obsequentissimus frater
Guilielmus Grotius.

1 Over deze brieven van Isaac Casaubonus zie men eveneens in voorgaande brieven; bovendien III, p. 152 en n. 3 aldaar.

2 Abraham en Bonaventura Elzevier.

3 Zie voor de eerst in 1795 verschenen Anthologia Graeca: no. 2407, p. 426 n. 7.

4 De Amsterdamse cartograaf en uitgever Willem Jansz. Blaeu.

5 De in 1631 bij Blaeu uitgekomen editio secunda; zie Ter Meulen-Diermanse, no. 567.

6 Cornelia en Diederik; de beide anderen, Cornelis en Pieter, vertoefden buitenslands.

Hagae, III Februarii 1636.

Adres: Excellentissimo Viro Hugoni Grotio Regni et Reginae Sueonum apud Galliae Regem Legato Parisiis.

In dorso schreef Grotius: 3 Febr. 1636 W. de Groot.