Briefwisseling van Hugo Grotius. Deel 6

2409. 1635 december 21. Aan A. Oxenstierna⁸.

Excellentissime Domine,

Postquam literas hodiernas⁹ obsignaveram, intelligo honorem oppressi Gustaviburgi Hogendorpio nostro¹⁰, quod gaudeo, deberi; hostibus occisis dirutum castellum, quod defendi nequiret; literis ducis Bernhardi¹¹ regem¹² rogari, ut Maguntiaco victus penuria periclitaturo quamprimum subveniat; Hanoviam defendi; a ducis Lotharingi¹³ milite - nam Gallasianos¹⁴ maximam partem trans Rhenum esse - Dagesteinium, Benfeldii accessionem, oppugnari gerentibus se

8 Hs. Stockholm, RA. Eigenh. oorspr. Gedrukt Epist., p. 205; Oxenst. Skrifter 2. afd. II, p. 134.

9 Bedoeld is brief no. 2401 van 20 december.

10 Gijsbert van Hogendorp; zie over hem p. 287 n. 13.

11 Bernhard, hertog van Saksen-Weimar.

12 Lodewijk XIII van Frankrijk.

13 Karel IV, hertog van Lotharingen.

14 De troepen van Matthias, graaf Gallas, bevelhebber in het keizerlijk leger.

[p. 430]

strenue defensoribus; Mochelium¹, quod ab Argentoratensibus non satis comiter haberetur, inde discessisse Benfeldium, cumque et Gallicarum rerum actor Insulanus² inde absit in hac aula retentus, Valquesteinio³ vacuum dari locum ad promovendas res Caesaris⁴; neque tamen id valuisse ejus autoritatem, ut civitas Rheni transitum Caesarianis suum per pontem, aut qui agros circum colunt commeatus eis concesserint; dari tamen militibus Caesaris et ducis Caroli exiguo numero aditus liberos.

Multi existimant consultum regi fore, ut trans Rhenum et ipse partem mittat copiarum; atque interim bono commeatuum provisu retineat, quae in Alsatia habet.

Haec addenda censui, Excellentissime Domine, cum iisdem votis.

Tuae Sublimitatis cultor devotissimus
H. Grotius.

1 Friedrich Richard Mockhel, Zweeds gezant residerende te Benfeld.

2 Melchior, sieur de L'Isle.

3 Deze Von Falkenstein (?) is mij niet nader bekend.

4 Ferdinand II.

Lutetiae, 11/21 Dec. 1635.

Adres: Axelio Oxenstiernae, Sacrae Reg. Maj. Regnorumque Sueciae Senatori et Cancellario.