Briefwisseling van Hugo Grotius. Deel 6

2209. 1635 augustus 2. Aan L. Camerarius³.

Illustrissime Domine,

Literae, quae a Germania maritima quaeque a vobis veniunt, in Brabantiane retineantur, an ejus periculi occasione curiosi abutantur alii, non sine causa dubito. Doleo ex iis, qui jactantur, sermonibus cognoscere Gallos, - non aulam dico, cardinalis⁴ enim rerum potens omnia alia loquitur - sed duces, sed milites, adeo esse alieno a principe Arausionensi⁵ animo, cum tamen, siqua spes est rerum bonarum, ea a mutua ipsum inter et illos concordia pendeat.

In Valle Telina res non male procedunt: III Iulii nova duci Rohanio⁶ parta victoria, capti mille, fusi caeteri. Etiam Bormium ab hostibus derelictum Genevenses literae loquuntur.

Die 14/24 Iulii, ad S. Avoti convenere cardinalis Valetta⁷ et dux Bernhardus⁸. Habebat secum Valetta X aut XII peditum, equitum minus quam duo millia. At heic in aula habere dicitur viginti sex⁹ peditum millia, equitum XII. Spero futurum, ut, quod tam cito fieri non potuit, ut dignae tanto rege¹⁰ copiae in hostem procederent, id fiat cum tempore, cujus tamen grave est damnum. Nam dum heic argentum retinetur, ibi, quod sequitur, miles deficit, capta Caesaris Lautera est, et quo diutius defensa est, eo saeviorem sensit victoriam.

Obsidetur Bipontinum oppidum; quid de Maguntiaco sit, ignari vivimus tanta per interjecta loca hostium vi. Tamen a Colmaria abiisse hostes laetus intelligo; at contra triste est quod scribitur Ulmam, Memmingam, oppida alia, Norembergae exemplo, quaerere pactiones proprias. Ducem Chaunium¹¹ audimus quidem ingressum modicis cum copiis in agrum Cameracensem, sed retro pedem tulisse nullo aut levi hostium damno.

Mercatorum heic exquiruntur consilia ad reperiendas rationes restituendi

3 Copie Uppsala, UB., cod. 388a, Ep. 14. Gedrukt Epist., p. 167. Ludwig Camerarius was Zweeds gezant in Den Haag.

4 De Richelieu.

5 Frederik Hendrik.

6 Henri, hertog van Rohan.

7 Louis de Nogaret d'Epernon de La Valette.

8 Bernhard, hertog van Saksen-Weimar.

9 De copie te Uppsala geeft: XX m.

10 Lodewijk XIII van Frankrijk.

11 Maarschalk Honoré d'Albert, hertog van Chaulnes.

[p. 125]

inter Galliae Hispaniaeque populos commercii, quo illi difficilius quam hi carent. Colmariam exemtam periculo ajunt, qui veniunt inde. Leiningii¹ et Hohenloiorum comitum nonnulli² Saxonicis conditionibus³ accessere. An verum sit, quod additur, Lefflerum⁴ pro Wittenbergensi duce⁵ Viennam Austriae iisse, nescio. Argentoratenses huc misere sciscitatum, quid sperare debeant, nec dubito, quin partim res ipsae partim hinc additae spes eos sint retenturae in partibus; quanquam pacem Saxonicam per tubicinem misit ad eos Galassius⁶.

Haec sunt, quae nunc quidem aut certa sunt, aut in tanta rerum ob infestas vias caligine pro certis habentur. Si quid novi discetur aut etiam⁷ horum cognoscetur exploratius, expertem te non patiar, Illustrissime Domine, quem cum omni familia divinae tutelae commendo.

Illustrissimae Dominationi Tuae observantissimus
H. Grotius.

1 De regerende graaf van Leiningen was in die tijd Johann Philipp II (1588-1643) in 1626 in tweede echt gehuwd met Anna Juliane, zuster van de wild- en Rijngraven Otto (1578-1637) en Johann Casimir (1577-1651) en tante van Otto Ludwig en diens broer Johann Philipp (†1638).

2 Ook genoemd in no. 2214; zij oefenden hun pover gezag uit tussen Main en Neckar en waren van Beieren afhankelijk.

3 Vgl. no. 2131, p. 3 n. 8.

4 Jacob Löffler; zie V no. 1984, p. 327 n. 9.

5 Eberhard III, hertog van Württemberg; zie over hem IV, p. 40 n. 9.

6 Matthias, graaf Gallas.

7 De copie te Uppsala heeft hier: quid.

2 Augusti novi Cal. MDCXXXV.

Adres: A Monsieur Monsieur Camerarius, conseiller d'Estat de la Reine de Suède et son Ambassadeur es Provinces Unies. A La Haie.

Boven aan de brief in de copie te Uppsala in margine: R.A.^o MDCXXXV 9 Aug. st. n.