Briefwisseling van Hugo Grotius. Deel 5

2113. 1635 mei 23. Aan L. Camerarius⁶.

Illustrissime Domine,

Occasiones omnes ad vos proficiscentium rapio incertus adhuc, an commeaturae sint per Brabantiam literae non modo inhibito inter has gentes mercatu, sed et ipsis jam mercibus, quae in hoc regno ad illos pertinentes repertae sunt in publicam custodiam datis, non quasi bellum jam sit, sed quasi stet prae foribus

6 Copie Den Haag ARA. Eerste afd. coll. H.d. Gr. Aanw. 1911 XXIII no. 1, p. 24; copie Uppsala, UB., cod. 388a, Ep. 8. Gedrukt Epist., p. 150; gedeelt. Brandt-Cattenb., Leven II, p. 33.

[p. 496]

misso et milite Bruxellas, fecialis habitu¹, qui regem² dicat armis exsecuturum factam Trevirensi libero principi³ suaeque tutelae iniuriam. Masarinus⁴ tamen his nihil territus ivit Bruxellas propositurus ibi, ut heic fecit, ea, quae ad pacem firmandam facere existimat. Rex exercitum suum quem cum Batavico jungi voluit non auxiliarem, sed unionis exercitum dici cupit. Legi sententias latas a Machliniensi auditorio in principem Espinoium et alios⁵. Eae non tacent sociata cum Gallis ad defectionem capiendumque Namurcum consilia, qualia dum spes pacis manet, publicari vix solent.

Intus in regno vix sanatum est illud, quod a fratre regio⁶ metuebatur malum, cum ecce nascitur novum, atrox Burdegalae seditio et ad multorum sanguinem progressa indignatione plebis in vectigal tabernis vinariis indictum. De crescentibus in dies - parum enim fuerat in annos - oneribus graves sunt questus. Et sine illis arma quieti et regni et amicorum necessaria haberi non possunt. Tonnelerius presbyter⁷ particeps insidiarum in cardinalem⁸ laqueo paenas dedit. Haud dubie multa prorumpent id genus consilia, ad quae confugere solent Hispani, ubi vires suis majores in se vident irruere; quo magis ut principi Arausionensi⁹ ita et maximo cancellario¹⁰ censeo curandam sollicite salutem suam, in qua continetur et publica.

A Dresda literae novas spes pacis Pirnensis¹¹ a Praga nuntiant; quo magis desideratur ibi maximi Cancellarii adventus, quem ne diu mari jactaverint venti adversi multum metuo.

Res eo sunt in loco, ut certiora nobis in posterum scribendi materiam parturiant.

Det Deus quae in commune sunt utilia idemque te, Illustrissime Domine, cum omni familia incolumem praestet.

Lutetiae, XXIII Maij novi Cal. MDCXXXV.

Illustrissimae Dominationi Tuae observantissimus
H. Grotius.

1 Vgl. no. 2110, p. 492 n. 10.

2 Lodewijk XIII van Frankrijk.

3 Philipp Christoph von Sötern; zie no. 2097, p. 473 n. 1.

4 Jules Mazarin - Giulio Raimondo Mazzarini - extra-ordinarius nuntius van Urbanus VIII te Parijs.

5 Dat zijn, afgezien van Hendrik van den Berg en René van Renesse, graaf van Warfusée, de in no. 2075 genoemde Alexandre, hertog van Bournonville, en Guillaume de Melun, prins van Espinoy.

6 Gaston Jean-Baptiste de France, hertog van Orléans.

7 Zie no. 2102, p. 482 en n. 9 aldaar.

8 De Richelieu.

9 Frederik Hendrik

10 De Zweedse rijkskanselier Axel Oxenstierna.

11 Gesloten in november 1634 tussen Ferdinand II en Johann Georg van Saksen.

Confluentes in Lotharingia, nisi fama nos fallit, ceperunt imperatoris¹² milites. Et in Belgicis partibus a Gallis capta Marcha ad Faminam exuta pacis jura jam nunc intelligimus.

12 Ferdinand II.

Adres: Illustrissimo Domino Ludovico Camerario, Reginae Regnique Suediae Legato [apud Praepot. Ord. Foeder. Belgii].

In margine: R^c. Hagae 5 Junii st. n. A^o. 1635.