Briefwisseling van Hugo Grotius. Deel 5

2016. 1635 maart 19. Van Willem de Groot¹⁶.

Frater optime,

Miramur pater¹⁷ et ego nullas ad nos Parisijs a te venisse litteras. Interim duplici nomine iterum tibi gratulamur, tum honestae receptionis tum solemnis quod tibi cum rege¹⁸ fuit colloquii. Et quidem eo magis, quod jam huc perlatae

16 Hs. Den Haag, ARA., Eerste afd., coll. Hugo de Gr. Aanw. 24.1911 no. XXIII. Enigszins beschadigd. Beantw. d. no. 2038. Zie ook bijlage no. 8.

17 Jan de Groot.

18 Lodewijk XIII van Frankrijk.

[p. 372]

erant litterae, quae amicos tibi consuluisse, ut Parisios ignotus intrares, nuntiabant, quibus signi sunt, ego certe accedere nunquam potui, item alterae ab advocato quodam Parisiensi¹ scriptae, quae fidem faciebant de mandato tuo in aula disputatum. Sed haec quidem fuere: Pavius² de tuo - ut audio - adventu ad Ordines Hollandiae, qui eras super foedere cum Gallis ineundo conventuri sunt, scripsit. Multi magna ex hoc foedere bona sibi promittunt; alii in bellum ἄσπονδον hoc pacto nos cogi arbitrantur, cui aerarii vires non sufficiunt. Quae in hoc foedere Suecorum sit conditis, ignoro, certe in priore, quod Chanassaeus³ peperit, diserte expressum est, neque nostros cum Hispanis octo mensibus de pace acturos, neque quatuor sequentibus rem consecturos; tantundem et rex Galliae promisit addito ‘qu'il employera son pouvoir vers les ministres de la couronne de Suède et les princes confédéréz en Allemagne de fair le mesme’.

Quas ad Utenbogardium misisti litteras⁴ ipsi tradidi, quae hominem adversa uxoris⁵ valetudine valde afflictum aliquo modo refecerunt.

In religionis negotio (q)uo pacto te jam gesturus sis, scire aveo, nimirum an conciones domi tuae sis habiturus et per quem; an vero publico protestantium coetui te sis aggregaturus, praesertim cum id lutheranis salvo in articulis controversis dissensu, concessum esse jam ante ex te didicerim.

Cras cum aliquot amicis et novitia puerpera hilaria celebrabimus⁶, felicis partus et tui adventus nomine.

Vale cum uxore et liberis a nobis omnibus.

Hagae, XIX. Martii 1635.

Tibi obsequentissimus frater
Guilielmus Grotius.

1 Niet geïdentificeerd.

2 Adriaen Reyniersz. Pauw; hij was begin 1635 met Johan de Knuyt in buitengewoon gezantschap naar Parijs gezonden. Vgl. bijlage no. 8.

3 Hercule de Charnacé.

4 De brief is verloren; no. 2032 is er het antwoord op.

5 Maria Petit Pas.

6 Willems vrouw, Alida Graswinckel, had kort tevoren het leven geschonken aan een dochter Titia, die op jeugdige leeftijd is overleden.

Adres: A Monsieur Monsieur Grotius, Ambassadeur de la Reine et couronne de Suède vers le Roij Très chrestien A Paris.

In dorso schreef Grotius: 19 Martii 1635 W. de Groot.