Briefwisseling van Hugo Grotius. Deel 5

1996. 1635 maart 5. Aan P. Schmalz².

Scribo has tandem, mi Schmalcki, Lutetia, receptus ut legatis regiis mos est iturus cras hinc, ut perendie ad aulam perveniam inibique creditis mihi negotiis auspicium faciam. Didici hoc quoque experimento multa superari animo forti atque constanti, quem me in rebus omnibus praestiturum spero.

Rex³ Silvanecti est, quod vulgus Senlisium vocat: cardinalis⁴ adhuc Ruellae. Puylaurentio⁵ in carcere permissa est suppellex honoratior, unde conjectura nihil festini mali ipsi imminere. Senanti, duo amicorum ipsius⁶ ita torti sunt, ut alter ex quaestione mortuus dicatur. Haerent in crimine adulterati nummi, sed extra regnum. Ea labes aliquid notae inuret isti comitatui. In laudes cardinalis ducis effusa heic omnia ingenia; quippe et nova Academia Poëtarum atque Oratorum in id a cardinali instituta, quae operum suorum praecipuum credit celebrare sui coetus auctorem.

Frater regius⁷ Blesam primum hinc abiit, inde in agrum Andegavensem proque cancellario habet Butillerium⁸, regis secretarium status, sperante aula ab eo adduci posse fratrem regium, ut ex animo abjiciat controversum hoc matrimonium⁹. Caetera nugarum aulicarum e charta adjuncta disces.

Vale, Schmalcki doctissime mihique multis nominibus carissime.

Lutetiae V Martii MDCXXXV.

Tui amantissimus
H. Grotius

2 Hs. Stockholm, RA. Eigenh. oorspr. Gedrukt Ep. Meerm., p. 17; Oxenst. Skrifter 2 afd. IV, p. 550.

3 Lodewijk XIII van Frankrijk.

4 De Richelieu.

5 Antoine de Laage; zie no. 1981, p. 319 en n. 10 aldaar.

6 Zie Merc. Franc. XX, p. 886.

7 Gaston Jean-Baptiste de France, hertog van Orléans.

8 Léon le Bouthillier; zie no. 1994, p. 341 en n. 8 aldaar.

9 Over Gastons huwelijk met Margareta van Lotharingen zie III, p. 206 n. 6.

Nisi me conjectura fallit, Heppius¹⁰ id agit, ut Germanorum nomine¹¹ in lactucis¹² maneat.

Lutetiae 12 Febr./5 Martii 1635.

10 Johan Heppe; in de tekst in cijfer: 57.33.1060.273.37.2006.

11 In de tekst: Rosae 46.42.16.37.46.74.

12 Codenaam voor Frankrijk.

Adres: A Monsieur Monsieur P. Abel Schmalckius à la suite de Monseigneur le Grand Chancelier de Suède.

Met andere hand: Worms den 12 Martii 635.