Briefwisseling van Hugo Grotius. Deel 5

[p. 306]

1973. 1635 februari 7. Aan P. Schmalz¹.

Litteras tuas, Schmalcki doctissime, Wormatiae scriptas die XVIII Januarii ex calendario vetere, cum Meti diei unius iter progressus essem, recte accepi; non item priores, quarum meministi. Gratias ago pro iis, quae scribis quaeque mittis.

Plane futurum suspicor, ut Philipsburgi jactura² incalescant tepentes hactenus Gallorum animi, ut solet saepe ex malo aliqua emicare boni occasio.

Ubi Lutetiam venero, a qua nunc absum diei iter, facile intelligam, quid ibi de ista sive culpa sive infortunio judicetur. Ne nimium Gallos Germani accusent, Wirtzburgum³ efficiet, quod diutius potuisse defendi a plerisque creditum memini. Tantam fuisse commeatuum inopiam, ut dux Bernhardus Vinariensis⁴ retro cedere coactus sit, doleo et ob rem ipsam et quod ingens argumentum est Germaniam a semetipsa deseri.

Plura scribam tuaeque in me edocendo diligentiae par reponere studebo, ubi orbem et amicos videro.

Rogo D. Broursonum⁵ et amicos officiose salutes.

Meldis VII Febr. MDCXXXV novi Cal.

Tui studiosissimus
H. Grotius.

1 Hs. Stockholm, RA. Eigenh. oorspr. Gedrukt Ep. Meerm., p. 8; Oxenst. Skrifter 2 afd. IV, p. 545. Geadresseerde was secretaris van de Zweedse rijkskanselier Axel Oxenstierna.

2 Vgl. no. 1968, p. 301 n. 5.

3 Würtzburg aant. had zich in oktober 1634 aan de troepen van Ferdinand II overgegeven, al hield de citadel nog drie maanden stand.

4 Bernhard van Saksen-Weimar.

5 Erik Brorsson Rålamb, adellijke Zweed; zijn moeder Anna Oxenstierna was een nicht van Axel.

Adres: Petro Abelis Schmalckio in comitatu Illustrissimi et Excellentissimi D. Magni Cancellarii Sueticae, Directoris foederis Germanici, Wormatiam.

In dorso schreef Schmalz (?): Wormbs, den 24 Febr. 1635.