Briefwisseling van Hugo Grotius. Deel 5

1926. 1634 april 26. Aan J. Dupuy¹.

Procestria Anatomica², vir clarissime, quae expetiveras, mitto, dignum sane et lectu librum et consideratu. Alterum, de quo scripseras, si ex mercatu Francofurtensi accepero, mittam ubi primum potero.

Rigaltio³ pro Tertulliano plurimum debeo. Editio est elegans: notae breves sed judicii exacti, et, ut monueras, intersparsa libertate; praefationes nitidae et cultae.

In Germania bellum omnes tales cogitationes aufert et pacis, quantum video, spes adhuc tenuis. Tantum est bello fruentium.

Salmasius⁴ ad me scripsit hoc vere experturum se, an possit restitui lapsa valetudo; si nihil proficit, repetiturum Galliam. In Hollandia nuper unus et medicus et senator⁵ proposuit eruditis quaestionem, sitne finis vitae hominis cujusque definitus decreto divino: qua de re plurimi non admodum consentientia rescripserunt, quae edita puto ad vos quoque pervenient. Salmasius jam typographo dederat suam quoque super hac re sententiam⁶, aut potius omnis generis philosophorum ac theologorum placita; sed cum videret incalescere certamen, substraxit sua. Puto et apud vos non defuturos viros rerum divinarum humanarumque peritos, qui sua quoque cogitata proferant super quaestione antiquitus apud omnes prope gentes agitata. Haec curent quibus suo arbitratu disponuntur tempora. Mihi satis inde erit gaudii, si cognoscam bene valere ac rem gerere Bignonum⁷, Lussonum⁸, Cordesium⁹ amicosque alios, imprimis vero Thuanum¹⁰, cui me commendo quantum possum.

Vale cum fratre¹¹ et congerronibus.

Hamburgi, XXVI Aprilis MDCXXXIV.

Tuus toto animo
H. Grotius.

1 Hs. Parijs, Bibl. Nat., fonds Dupuy 583 f. 14. Eigenh. oorspr. Gedrukt Epist., p. 123; Ep. ad Gallos, p. 341.

2 Dit boek heb ik niet kunnen achterhalen.

3 De Franse geleerde Nic. Rigault; zie over hem III, p. 188 n. 2 en IV, no. 1495, p. 188 en n. 15 aldaar. Voor zijn Tertullianus-editie zie no. 1828, p. 111 n. 5.

4 Cl. Saumaise - Salmasius - was in 1631 te Leiden benoemd en daar in november van het volgend jaar aangekomen.

5 Joh. van Beverwijck; zie no. 1920, p. 238 en n. 6 aldaar.

6 Zie no. 1920, p. 238 en n. 11 aldaar.

7 Jérôme Bignon; zie no. 1867, p. 167 n. 16.

8 Guillaume Lusson, president van de munt en vriend van Grotius.

9 Jean de Cordes, schrijver van o.m. brief no. 1925; zie over hem no. 1742, p. 21 n. 8.

10 Jacques du Thou; zie IV, p. 2 n. 8.

11 Pierre Dupuy.

Adres: A monsieur Monsieur Jaques du Puy A Paris. Avecq un pacquet.

In dorso: Renvoier.