Briefwisseling van Hugo Grotius. Deel 5

1779. 1632 augustus 27. Aan J. de Cordes².

Spero, vir reverende, schedas ad Godescalci causam pertinentes³ jam acceperis et acceperis quas Amsterodamo miseram observationes in Novum Testamentum Dedievii⁴.

Ego hic cum uxore satis jucunde rusticor oblitusque meorum, obliviscendus et illis. Libri desunt, sed huic malo remedium adfert Lindembrogius⁵, cujus bibliotheca non minus utor familiariter quam tua solebam. Ei rependere gratiam cupiens cum a me copiam non habeam, a te sumam mutuo fretus jure amicitiae, quod mihi tua concessit bonitas. In libris, quos e Gallia comparavit, desunt quaedam paginae, quas a venditore, puto Cramoysio⁶, velit sarciri. Hoc negotium tua ut ope quam celerrime conficiatur, rogat te ille et cum illo ego; tum quia libris indiget ad notas auctiores, quas adornat in utilissimum scriptorem Ammianum Marcellinum⁷ tum quia in rebus ejusmodi temporis praeterlapsus minus speciosam facit repetitionem.

Vale suaviter cum amicis omnibus, non immemor nostri.

17/27 Augusti, 1632.

Dochinshudae ad Albim.

2 Gedrukt Epist., p. 108; Ep. ad Gallos, p. 293.

3 Vgl. no. 1750, p. 28 en verder no. 1742, p. 22 en n. 5 aldaar.

4 Vgl. no. 1750, p. 30 en n. 3 aldaar en no. 1759.

5 Friedrich Lindenbrog; zie over hem no. 1764, p. 44 n. 3.

6 De befaamde Parijse uitgever Sébastien Cramoisy (1585-1669).

7 Ammianus Marcellinus, Romeins geschiedschrijver; zie III, p. 444 n. 10. Lindenbrog had in 1609 een uitgave van Ammianus Marcellinus het licht doen zien getiteld: Ammiani Marcellini Rervm gestarvm qvi de XXXI svpersvnt libri XVIII Ad fidem M.S. & veterum Codd. recensiti et Observationibvs illustrati. Ex Bibliotheca Fr. LindenbrogI. Hambvrgi Ex Bibliopolio Frobeniano. MDCIX.