Briefwisseling van Hugo Grotius. Deel 4

1534. 1630 augustus 22. Aan W. Schickard².

Quod periculum literae Orientis et coelestia studia in morbo tuo, vir optime de utrisque merite, adierint, cum satis intelligam, Deo gratias ingentes habeo, quod te nobis haud dubie magnos in usus servaverit. Ostendit princeps vester³ sua se bona intelligere, qui ad inspiciendas scholas ordinandumque earum statum te relegit, et ego te satis laudare non possum, qui in eo itinere non id tantum, ob quod missus es, fecisti, sed cum publico negotio patriae simul et publicum humani generis egisti negotium.

Observatio solaris defectus tua quantivis pretii multum probatur Midorgio⁴ et qui alii hic sunt talium studiosi. Inter quos et Gassendius⁵ hic etiamnum haeret, qui promisit missurum se mutuo quod hic observatum est.

Apud Golium⁶ instabimus et ego et Gassendius, ut habeamus astronomicas et geographicas annotationes eorum, quae visit, locorum; et jam tenemus promisso obligatum.

Interim mitto grammaticam linguae Turcicae, si quid forte usui esse possit. Vellem is, qui hanc scripsit⁷, et lexicon nobis daret. Videbimus, ecquid flagitando possimus extundere. Id pro certo habeas velim non defuturum me occasionibus, si quae se praebebunt, quibus tui praeclarissimi labores queant adjuvari.

XXII Augusti MDCXXX Lutetiae.

Tuae eruditionis admirator
H. Grotius.

2 Copie Venetië, Bibl. de S. Marco, mss. Italiani Cl. XI cod. XX coll. 6789. Betreffende geadresseerde zie n^o. 1366, p. 10 n. 7.

3 Ludwig Friedrich von Würtemberg - Mömpelgard, onder wiens voogdij de jonge hertog Eberhard III stond; zie n^o. 1387, p. 40 n. 9.

4 Claude Mydorge (1585-1647), Frans wis- en natuurkundige uit de kring van René Descartes (1596-1650) en Marin Mersenne (1588-1648).

5 De filosoof-fysicus en astronoom Pierre Gassendi (1592-1655).

6 Voor Jacobus Golius zie III, p. 408 n. 9.

7 Ik heb niet kunnen achterhalen, wie Grotius hier op het oog heeft.

Prodiit Philosophia Magnetica

Nicolai Cabei Ferrariensis e soc. Iesu⁸

8 Philosophia Magnetica, in qva magnetis natvra penitvs explicatvr, et omnivm qvae hoc lapide cernuntur, causae propriae afferuntur: nova etiam praxis(sic) constrvitvr, quae propriam Poli elevationem, cum suo meridiano, vbique demonstrat, mvlta qvoqve dicvntvr de electricis, et alijs attractionibus et eorum causis. Additis figvris variis, tam aeneis, quàm ligno incisis. Auctore Nicolao Cabeo Ferrariensi, Societ. Iesv. Prostant Coloniae, Apud Ioannem Kinckivm, Anno

[p. 252]

⁸, Coloniae anno MDCXXIX.

8 M.DC.XXIX; zie De Backer-Sommervogel, Bibliothèque de la Compagnie de Jésus II, kol. 483. Nic. Cabei uit Ferrara (1586-1650) doceerde filosofie, theologie en wiskunde te Parma en te Genua.

[p. 252]

Eam an viseris et quid placeat, scire cupiam.

Adres: Summae eruditionis viro Wilhelmo Schickardo, professori linguarum Orientalium, cum libro grammaticae Turcicae. Tubingam.