Briefwisseling van Hugo Grotius. Deel 4

1435. 1629 oktober 19. Aan Willem de Groot⁶

Literas, quas scripseras, mi frater, calendis Octobris non ante illas patris datas 8 Octobri accepi incuria, ut puto, eorum, qui hic res D. Langeracensis⁷ - is enim ad aulam abierat - curabant. Nam eo reverso ipso quo primum potui momento sequentes accepi.

6 Gedrukt Epist., p. 821.

7 Gideon van den Boetzelaer, heer van Langerak, ordinaris gezant van de Republiek bij het Franse hof.

[p. 113]

De Petro¹ recte. A Barlaeo missa² adhuc quaerimus spe aliqua reperiundi per indicium, quod nobis a Rhotomago factum est. Intellexi, quae in Amersfordianos magistratus pronuntiata sunt³. An nimiae aut praeproperae formidinis argui possint, ego tam longe remotus haud dixerim. Illud displicet, quod non a patriae suae legitimis judicibus sententiam acceperunt exemplo in nos inchoato, sed Hollandiae multas ob causas pernitioso. Id populo ob oculos poni e re sit publica, ne ex facto tali jus fiat. Hi sunt fructus egregiae illius mutationis, qua externos nullo in Hollandiam affectu Hollandiae praeposuimus. Continentia causae non poterat eos facere judices, quibus nulla in paganos cives Trajectinae nationis notio est.

Te jam a rheumate et febri liberum spero, quo magis curare possis illud meum de Institutionibus Iuris Batavici⁴, quod animo meo ita insidet, ut nihil magis. Nam certe tantam vim atque injuriam in tam praeclaro opere concoquere non possum. Excitate Bellimontium⁵, ut fidem publicam liberet. De Schickardiano negotio⁶ satis jam monui. Et Cordesius⁷ aurem vellit de libellis quibusdam. Memini videre me Smoutii libellum⁸ patrio sermone in orationem, ni fallor, Dominicam, in qua gravissima scelera commemorans nullo eorum vult amitti divinum favorem. Eum, si reperias, cum cibariis nostris velim mittas.

In Mantuanum agrum magno impetu involarunt Germanicae copiae neque tamen nulla spes est pacis inter magnos armorum paratus. Transiit jam Crequiacus⁹, abiit Fortius¹⁰, Estraeus¹¹ est apud Helvetios. Etiam in Campaniam Francicam rex exercitum mittit, sive ut reprimantur fratris¹² conatus, siquid ille audeat - nam sunt qui copias ipsi offerunt -, sive ut opem praesentem videant Germani; si modo aliquibus adhuc libertas et principum dignitas cordi est. Miraberis quae mitto pacta nuper manente bello civili inter Hispanum et Rohanium¹³, mirabitur et Medius¹⁴.

Cyrilli confessio¹⁵ Argentorati coepta publicari jussu magistratuum repressa est. Nostri hic ϰαλβινίσοντες scripsere Bysantium, ut tibicinibus novis fulciatur labans fabula.

Vale, mi frater, cum optimis parentibus. Losecatio¹⁶ et sorori sane gratulor. 19 Octobris 1629.

1 Grotius' zoon Pieter; zie n^o. 1377, p. 21 n. 7.

2 Zie n^o. 1432, p. 109 n. 1.

3 Zie Aitzema, Saken van Staet en Oorlogh I, p. 887 v.

4 Inleiding tot de Hollandsche rechts-geleertheyd in 1631 te 's-Gravenhage verschenen; zie Ter Meulen-Diermanse, n^o. 757.

5 Simon van Beaumont.

6 Zie n^o. 1370, p. 14 en n. 1 aldaar.

7 De schrijver Jean de Cordes (1570-1642); zie ook II, p. 68 n. 7.

8 Onze Vader, dat is: verklaringhe hoe God de Vader des Heeren Jesu Christi onse Vader mede is en wij zijne lieve kinderen zijn ... na den ghereformeerden Kerckenraadt van de Nederl. natie binnen Dordrecht teghenwoordich vergadert, toegeëyghent.

9 Charles Créquy de Blanchefort de Canaples; zie III n^o. 1211, p. 221 n. 1.

10 Jacques-Nompar de Caumont de La Force; zie n^o. 1432, p. 109 n. 11.

11 François Annibal d'Estrées; zie III n^o. 1235, p. 260 n. 6.

12 Gaston, hertog van Orléans.

13 Henri, duc de Rohan; zie III, p. 27 n. 5.

14 Schuilnaam van Johannes Wtenbogaert.

15 Zie n^o. 1412, p. 77 n. 6.

16 Zie n^o. 1432, p. 108 n. 6.

[p. 114]

Mousterius¹ ut tabulam exactiorem Silvaducensem simul cum ea, quae nobis mittetur, exspectat.

Tui amantissimus frater
H. Grotius.

1 Daniel Dumoustier. Zie III n^o. 1337, p. 408 en n. 14 aldaar; zie ook n^o. 1432.