Briefwisseling van Hugo Grotius. Deel 3

1332. 1628 november 9. Van A. Schottus⁴.

Tuae mihi redditae, vir magne, missae Bruxella a D. Oldenbarneveldii f.⁵ Antwerpiam, ubi adhuc Dei benignitate sani degimus et quidem in studiis in fessa hac aetate aliisque mala, nobis non gravi ita in studiis acquiescentes vivimus.

Apud te bene esse e tuis facile cognovi ac belli intestini istic finem impositum recepta Rupella nondum tamen externo finito, utinam ne in nostros Belgas cudatur faba⁶, qui tot iam annos bellis atterimur.

Assentior hominibus illis non usquequaque fidendum, quare Theodori Canteri ἀποσπάσματα tragicorum ac comicorum Graecorum⁷ ne pereant atque manibus viri boni consulamus, si typographum istic reperies, qui edat, ubi Graecae in

4 Hs. K.B. 's-Gravenhage, 121D3. Eigenh. oorspr.

5 Willem van Stoutenburg; zie n^o. 1272, p. 321 n. 2.

6 Vgl. Terentius Eunuchus 381.

7 Zie n^o. 1312, p. 378 n. 5.

[p. 401]

pretio litterae sunt, quae si Parisiis exire sinas lucemque aspicere, quomodo Jacobus Hertelius quinquaginta comicorum sententias Graece et latine Basileae evulgavit¹, per mihi illique civi feceris benigne. Sic a funere nobis alii prodesse studeant.

Quam vellem te quoque patriae, laribus, fideique maiorum restitutum viderem, priusquam haec senis lumina claudantur. Certe in dies sacris operatus, quod opto unice Deum precor, nostris ut castris milites.

Cum Daniele H.² usque eo φιλέλληνες sumus et videri volumus. Huius profecto Aristarchus in Nonni Evangelium³ in manibus erat, cum tuae mihi sunt redditae. Quam lepide sexces? nosti reliqua, quem nihil fugit antiquorum scriptorum. Adagialia nostra Novi Testamenti sub proelo apud Plantinianos sudant⁴, et σπεύδουσι βϱαδέως temporum credo iniquitate, clauso iam oceano piratarum beneficio, ut vestri loquuntur iurisconsulti, vel ut Hiberae pronunciant gentes, veneficio. Ecquis calamitatum finis? Pacem, Deus, te poscimus omnes. Vale in Domino, nosque constanter non dilige modo, sed etiam adama.

Antverpiae, octavo SS. Coelitum IX^bri mense MDCXXVIII.

A. Schottus.

1 Zie n^o. 1312, p. 378 n. 7.

2 Daniel Heinsius.

3 Zie n^o. 1156, p. 142 n. 5.

4 Verschenen in 1629; zie n^o. 1312, p. 378 n. 8.

Met andere, blijkens de betiteling ‘legato’ latere hand:

Inscriptio erat Clariss. doctiss. viro

Hugoni Grotio I.C. Legato Paris.