Briefwisseling van Hugo Grotius. Deel 3

[p. 130]

1148. 1627 mei 12. Aan Willem de Groot¹.

Venit ad vos, frater optime, uxor cum filia², quae meum quoque locum apud vos implebunt.

Mitto simul Phoenissas Graece emendatas, versas latine³. Si ibi erit qui edere volet, et erit forte Iansonius⁴, recte, sin minus, inveniam hic cui allubescat. Character ille, de quo scribis, ad Hexabiblum⁵ nimium exiguus videtur. Probem illum, qui est in Iuvenalis Rigaltii⁶, aut non minorem. Edenda sunt, quae ab omnibus legi et cum voluptate aliqua possint.

Gratias ago pro iis, quae 25 Aprilis nuntiastis et lubet intelligere, quorsum res evasura sit. De rebus nostris perstamus in facti proposito, ut ex uxore intelliges. Mutandum erit sigillum. Nam literae tuae resignatae fuerunt in qua domo minime arbitraris.

Camerarii literae⁷ Francofurti publicatae sunt nemini amicorum regum aut potestatum parcentes. Videtur mihi nullus illi angulus praeter Suetiam restare.

Tu cum uxore⁸ et familia ut semper recte valeatis Deum precor.

12 Maji 1627.

Tuus tibi devinctissimus frater
H. Grotius.

1 Gedrukt Epist., p. 797.

2 Cornelia.

3 Zie n^o. 1082, p. 57 n. 10.

4 Zie II, p. 456 n. 5, tenzij Willem Jansz. Blaeu bedoeld is.

5 De Veritate religionis Christianae; Ter Meulen-Diermanse, n^o. 944.

6 D. Junius Juvenalis, Satirarum libri V. Sulpicia Satira. Nova Editio. Cura Nicolai Rigaltii. Lutetiae, R. Stephanus 1616.

7 Ludovici Camerarii aliorumque epistolae nuper post pugnam maritimam in Suedica navi capta captae a victore Polono anno milesimo sexcentesimo vigesimo sexto vigente, s. 1. 1627.

8 Alida Graswinckel.