Briefwisseling van Hugo Grotius. Deel 3

1116. 1627 januari 2. Aan Willem de Groot⁴.

Puto, mi frater, jam satisfactum tuo parentumque desiderio. Scripsi enim antehac et quidem via, quam frater indicat, Sedanensi⁵: nihil quidem magni, nec enim hic agitur quicquam, nisi quod magna minantur Galli in negotio navigationis et commerciorum.⁶ Losecatio⁷ ex animo gratulor et velim hic illi gradus sit ad meliora. An hoc pro omine nostrarum rerum habendum sit equidem nescio paratus me aptare iis, quae Deus voluerit. Hortulani⁸ propositum mihi non displicet, sed non sentio satis congruere, ut ordinarium judicem Hollandiae adeat et ut tamen eremodicium illatum ab extraordinariis et quidem foederatorum

4 Gedrukt Epist., p. 795.

5 Zie ook n^o. 1115.

6 Zie n^o. 1113, p. 89 en de in n. 8 aldaar genoemde brieven.

7 Frederik van Losecaat, gehuwd met Grotius' zuster Adriana.

8 Johannes Wtenbogaert.

[p. 93]

delegatu agnoscat. Quare si restitutio postulanda est, erit postulanda cum cautione, quatenus opus esse possit.

Annum hunc parentibus, tibi tuisque et nostris omnibus felicem indico.

2 Ianuarii 1627.

Libri Excerptorum¹ rogo distribuantur, ut antehac scripseram². Destinaveram tres tribus fratribus Reigersbergiis³, si pater, tu, Hoofdius, Vossius tuos habetis.

Tuus tui amantissimus frater
H. Grotius.

1 Zie n^o. 1061, p. 30 n. 7.

2 In n^o. 1088.

3 Nicolaes, Johan en David.