Briefwisseling van Hugo Grotius. Deel 2

983. 1625 Mei 23. Aan Willem de Groot².

Gratias habeo, Frater optime, pro his quae me edoces. Literas quas inclusas vides, rogo cures quamprimum et quam certissima ratione perferri ad eum³ qui nuperas tradiderat. Utinam recta in castra mittere possem, quo recentiora nuntiem. Nam nunc ne puteant vereor. Buonus⁴ ne mihi imposuerit, vereor. Amat ille libros in Gallia potius quam alibi vendere: at mea refert ut ubique comparentur. Inscriptionum⁵ prima quae tibi placuit, aliis etiam probata et in nummo posita est. De Ultraiectina praefectura⁶ gaudeo; de Hogerbetio quid futurum sit aveo scire. Almondius⁷ hic fuit, sed nihil ex eo intellexi. De Mairio⁸ cogita. Uxor Pisonis⁹, qui res Mansfeldii Hagae curat, hic nobis numeravit trecentos florenos, ut ille Hagae eos reciperet. Itaque ad te misimus schedium cambii quod vocant, et in Zelandiam scripsimus, ut tantundem ad te statim mittatur. Rogo ubi schedium conspexeris, a te aut amico aliquo numeres summam, intra paucissimos dies recepturus. Ad Genuam et Rivam manet bellum, tardo progressu. Subizii pax speratur. Vidimus hic intrantem in urbem magna cum pompa Legatum Barbarinum¹⁰, patruo Pontifice nobilem, qui venit pacem commendaturus. Consilia publica multum a Breda pendent. Utinam brevi inde nobis boni aliquid nuntietur. Ego occasionem mittendorum ad vos librorum adhuc quaero. Interim opto valeas cum parentibus, uxore et propinquis. 23 Maii 1625.

Tui amantissimus Frater
H. Grotius.

2 Gedrukt Epistolae p. 782.

3 Losecaat; zie p. 454 n. 1; p. 455 n. 12; p. 459 n. 10. Het gaat hier over brieven aan Frederik Hendrik. Zie ook n^o. 986 en 992.

4 De uitgever van De iure belli ac pacis; zie p. 455 n. 4.

5 Zie p. 447 n. 1.

6 De benoeming van Frederik Hendrik tot stadhouder ook in Utrecht.

7 Zie p. 449 n. 4.

8 De Leidsche uitgever Le Maire; zie p. 426 n. 8. Grotius doelt hier op den verkoop van exemplaren van De iure belli ac pacis; zie p. 455 n. 2.

9 Zie p. 455 n. 7; p. 458 n. 8.

10 Zie p. 432 n. 5.