Briefwisseling van Hugo Grotius. Deel 2

969. 1625 April 21. Van N. van Reigersberch¹¹.

11 Hs. Bibl. Rem. Gem. Rotterdam. Gedrukt Brieven van Nic. van Reigersberch ed. Rogge p. 39. Antwoord op n^o. 963. Beantwoord door n^o. 974.

[p. 444]

970. 1625 April 25. Aan W. de Groot¹.

Facis mihi rem gratissimam, Frater optime, quod me rerum quae apud vos geruntur ignarum esse non pateris. Literas quas miseram² curatas quovis modo optassem. Nam talium gratulationum nisi recentes sint perit gratia. Nobis hic felicia omnia nuntiantur ex Italia, ubi sex millia a Mediolano Genuae subsidio venientia caesa sunt a Sabaudis et capti primores, Spinulae cognati et cognomines. Gaviae arx brevi capienda a Comite stabuli³ speratur, et Riva a Coeuvrio⁴. Interim pergit honesta consilia turbare Subizius, pacis oblatas rationes praefracte hactenus repudians, quod multi verentur ne in magnum eius partis malum erumpat, si per Legatum Pontificis⁵ pax externa sarciatur. Nolet enim Rex copias tam validas detinere inutiles; nec videbitur alibi usus maior esse, quam in liberando Regno a parte tam tumultuosa et toties intercedente bono publico. Sed haec Deus avertat.

Mairius⁶ si a mercatu exemplaria attulit doleo, nam et correxi quaedam et indicem adieci post tempus mercatus. De Sellingero⁷ pergas rogo inquirere; et siquid in Hogerbetii causa promovetur. Sunt qui putant non exiturum sine aliqua professione in gratiam potentum. Novi viri animum nec quicquam ab illo non generosum exspecto. De Daetselaria scripsit aliquoties pater. Sed mihi nunquam probata sunt absentium circa baptismum testimonia; deinde haec etiam tempora non videntur mihi apta tali consilio. Uxor ad ipsam scripsit et suaviter excusavit. Velim id pater in bonam accipiat partem. Vossii orationem in funus Erpennii⁸ videre desidero: iuste enim amo quicquid ab ipso proficiscitur. Poteris et ex ipso quid de Socinianorum adversus me scripto⁹ sentiat exquirere. Quod scribis Remonstrantibus quibusdam omne bellum improbari, eam mentem Hispanis quam Batavis dari malim. At ego moderata secutus sum, et tamen vereor ne multis quibus usui bellum est valde displiceam. Vale cum Patre, Matre propinquisque omnibus. Lutetiae 25 Aprilis 1625.

Tuus tui amantissimus Frater
H. Grotius.

1 Gedrukt Epistolae p. 781.

2 N^o. 962.

3 Lesdiguières.

4 De markies de Coeuvres.

5 Zie p. 432 n. 5.

6 De Leidsche uitgever Jean le Maire; zie p. 426 n. 8. Hij had blijkbaar van de Frankforter mis exemplaren van Grotius' De iure belli ac pacis medegebracht.

7 Zie p. 438 n. 6.

8 G.J. Vossii Oratio in obitum Clarissimi ac Praestantissimi viri Thomae Erpenii ... Habita statim ab exsequiis in auditorio theologico, 15 Novemb. 1624.

9 Zie p. 443 n. 7.