Briefwisseling van Hugo Grotius. Deel 2

957. 1625 Maart 25. Van N. van Reigersberch².

958. [1625] Maart 28. Aan Willem de Groot³.

Semper mihi quidem gratae sunt tuae literae, Frater dulcissime, sed his praecipue tam periculosis publico temporibus quam saepissime de iis quae geruntur a te edoceri gestio, rogoque ne operae parcas. Gallicae res bene procedunt: nam Comes stabuli⁴ cum Sabaudo imminet Genuae obsidio. Clavennae arx capta est: nec quicquam in Rhetia restat praeter Rivam, quam magno praesidio munivit Hispanus. Exspectatur hic Cardinalis Barbarinus⁵, Pontificis proximus, Regi pacem commendaturus: quod sane sacerdotem decet. Utinam pax fiat ubique per Orbem Christianum, et nos tuta libertate fruamur. Subizius mari terraque praedatur. Graswinckelius noster non longe Burdegala iter faciens ab eius militibus captus est, equo et pecunia quam habebat mulctatus, sed sine lytro dimissus. Vocat se Subizius Ducem copiarum in Xantonico, Pictonico, Andegavensi agro, Brittannia Armorica, Normannia, insulis adiacentibus, et Praefectum maris ad dictas oras, bono Regis et Ecclesiarum Reformatarum Franciae et Principatus Bearnensis.

Senecam⁶ recuperare si non potes, fac, si potes, ut enotes quae margini sunt

2 Hs. Bibl. Rem. Gem. Rotterdam. Gedrukt Brieven van Nic. van Reigersberch ed. Rogge p. 34. Beantw. door n^o. 963.

3 Gedrukt Epistolae p. 775, doch daar ten onrechte op 1624 gesteld. Het juiste jaar blijkt o.a. uit de vermelding van Breda.

4 Lesdiguières.

5 De kardinaal Francesco Barberini, neef van paus Urbanus VIII.

6 Zie p. 410 n. 2.

[p. 433]

allita. Quod nostri a Mansfeldiano milite sibi cavent, non frustra est. Breda omnium iudicia suspendit; ego sperem aliam urbem plus valentem capi posse, dum illa obsidetur. Dunquercanorum miror audaciam. Liber noster quem edimus sic inscriptus est: ‘Hugonis Grotii de Iure belli et pacis Libri tres, in quibus ius naturae et gentium et iuris publici praecipua explicantur’; dedicatus est Regi. Restant adhuc indices aliquot, sine quibus tamen liber iam ad mercatum Francofurtensem missus est, sed et pagellas quasdam mendosiores iubebo recudi¹, tum compactos offeram Magnatibus: quosdam et ad vos mittam. Aliud nihil habeo. Parentes et tuam et amicos salutes rogo. 28 Martii 1624.

Tuus tui amantissimus Frater
H. Grotius.

1 Zie Molhuysen in Mededeelingen Kon. Akad. v. Wet. afd. Letterk. 60 B n. 1.