Briefwisseling van Hugo Grotius. Deel 1

535. 1617 Sept. 25. Van P. Cunaeus⁴.

Gratias tibi ago, vir ampliss., pro insigni munere tuo⁵, quod nobis attulit Vossius. Iam a multo tempore nullum scriptum in manus meas pervenit, quod magis animum mihi expleverit. Ita ubique argumentorum vi atque gravitate lectorem percellit. Utique crucem omnibus fixisti, qui plausibilem haeresin commenti, late iam seculum veneno suo afflaverant. Quare, ni aliud praesidium ad caussam deploratam adferant, actum de illis est. Hoc tibi orbis Christianus, hoc omnes boni acceptum ferunt. neque profecto aliud maius debere tibi possumus. Vale. Lugd. Bat. 25. Septemb. 1617.

4 Gedrukt Cunaei Epistolae p. 99. Beantwoord door n^o. 536.

5 De Defensio; zie n^o. 530.