Briefwisseling van Hugo Grotius. Deel 1

513. 1617 Juni 12. Aan G.J. Vossius⁵.

Vir Clarissime.

Exemplum unum libri nostri de summarum Potestatum circa sacra imperio iam misi ad Overallum Lichfeldensem Episcopum⁶; exspecto alterum ut Heidelbergam⁷ mittatur, quod ut quamprimum fiat scio curae tibi esse aeque ac mihi. De diatriba adversus Socinum⁸ quid futurum sit scire aveo. Hagae nunc sum, mansurus inibi, si Deus voluerit, usque Sabbatum. De libro Cornelii ero memor. In Conventu movemus multum, promovemus adhuc parum. Tamen quantum video ad Conventum aliquem Ecclesiasticum res spectat: qui utinam

5 Gedrukt Epistolae p. 41.

6 Zie n^o. 516.

7 Naar Lingelsheim; zie n^o. 514.

8 De Defensio, zie n^o. 504.

[p. 570]

sit eiusmodi ut aequi aliquid ab eo sperare liceat. Vale Vir optime et nos amare perge. 12. Iunii. 1617.

Tuus sine fuco
H. Grotius.