Briefwisseling van Hugo Grotius. Deel 1

370. 1614 Sept. 14. Aan G.J. Vossius³.

Mitto ad te, Vir Clarissime, Diatribam meam⁴ cuius partem tibi nuper ad taedium usque ingessi. Rogo perlegas, et quae notanda videbuntur notes ea libertate quam ipse ab amicis tibi praestari cupias. Ego multo magis vereor ne minus quam par est Magistratibus aut plus quam par est Pastoribus tribuerim, quam ne in alteram partem verum excesserim. Et tamen ne sic quidem illis satisfiet qui se Ecclesiam vocant. Sibrandi liber⁵ imminet, μέγα ϰαϰὸν. Walaeus quoque paratum habet scriptum huius argumenti⁶, sed ipse, quantum hactenus ex colloquiis animadvertere potui, non satis paratus ab iis quae istius materiae tractatio desiderat. Mylius⁷ noster a Iesuitis vix ultra voces recedit. Nam revera summum imperium circa Ecclesiastica tradit hominibus Ecclesiasticis. Tibi quid videatur velim quamprimum scire. Fac aliqua scribas quae displiceant: ac si id non facias, totum librum tibi displicere existimem. Vale Vir doctissime. 14 Septemb. 1614.

De Slado⁸ quid agendum censes?

Tui amantissimus
H. Grotius.

3 Gedrukt Epistolae p. 15. Beantwoord door n^o. 372.

4 Het p. 349 n. 4 genoemd tractaat.

5 Lubbertus' Responsio ad Pietatem Hugonis Grotii. Zie p. 283 n. 1.

6 Het Ampt der Kerckendienaren; midtsgaders de authoriteyt, ende opsicht, die een hooghe christelicke overheydt daerover toecompt. Middelburg 1615 (Knuttel 2204).

7 Abraham van der Myle. In n^o. 302 spreekt Van der Myle over de hierboven bedoelde verhandeling, die echter, voor zoover ik weet, nooit in druk verschenen is.

8 Zie p. 349 n. 6.